അധ്യാപക സർവീസ് സംഘടന സമരസമിതി – ജില്ല സമര പ്രഖ്യാപന കൺവൻഷൻ

കൽപ്പറ്റ :പങ്കാളിത്തപെൻഷൻ പദ്ധതി പിൻവലിച്ച് പഴയ പെൻഷൻ സംവിധാനം പുനഃസ്ഥാ പിക്കുക, പന്ത്രണ്ടാം ശമ്പള പരിഷ്കരണ നടപടികൾ ആരംഭി ക്കുക, ക്ഷാമബത്ത, ശമ്പള പരിഷ്ക്കരണ കുടിശ്ശികകൾ പൂർണ്ണമായും അനുവദിക്കുക, ലീവ് സറണ്ടർ മരവിപ്പിച്ച നടപടി പിൻവലിക്കുക, മെഡിസെപ്പ് പദ്ധതി സർക്കാർ ഏറ്റെടുക്കുക, കേന്ദ്ര സർക്കാറിന്റെ കേരള ത്തോടുള്ള സാമ്പത്തിക വിവേചനം അവസാനിപ്പിക്കുക തുട ങ്ങിയ ആവശ്യങ്ങൾ ഉന്നയിച്ച് അധ്യാപക സർവ്വീസ് സംഘടന സമര സമിതി നേതൃത്വത്തിൽ 2025 ജനുവരി 22 ന് നടത്തുന്ന സൂചന പണിമുടക്ക് വിജയിപ്പിക്കുക എന്ന ആഹ്വാനവുമായി വയനാട് ജില്ലാ സമര പ്രഖ്യാപന കൺവൻഷൻ കൽപ്പറ്റ, കൈനാട്ടി പത്മപ്രഭ ഹാളിൽ നടന്നു.

കൺവെൻഷൻ ജോയിന്റ് കൗൺസിൽ സംസ്ഥാന വൈസ് ചെയർമാൻ വി. സി. ജയപ്രകാശ് ഉദ്ഘാടനം ചെയ്തു. സമരസമിതി ജില്ല ചെയർമാൻ ടി.ഡി. സുനിൽ മോന്റെ അധ്യക്ഷതയിൽ നടന്ന ചടങ്ങിൽ കൺവീനർ ശ്രീജിത്ത് വാകേരി സ്വാഗതവും എ.കെ.എസ്.ടി.യു. ജില്ല പ്രസിഡന്റ് നന്ദിയും പറഞ്ഞു. കെ.ജി.ഒ.എഫ്. ജില്ല സെക്രട്ടറി അമൽ, ജോയിന്റ് കൗൺസിൽ ജില്ല സെക്രട്ടറി കെ. എ. പ്രേംജിത്ത്, ജില്ല പ്രസിഡന്റ് പ്രിൻസ് തോമസ് എന്നിവർ അഭിവാദ്യങ്ങളർപ്പിച്ച് സംസാരിച്ചു. ഓഫീസ് തല പ്രചരണങ്ങൾ, വാഹന പ്രചരണ ജാഥകൾ തുടങ്ങി കാമ്പയിനുകൾ വിജയിപ്പിക്കാൻ തീരുമാനിച്ചു.