ഗോത്രപര്വ്വം ലോഗോ പ്രകാശനം ചെയ്തു
പനമരം: വയനാട്ടിൽ നടക്കുന്ന നാഷണൽ ട്രൈബൽ ഫെസ്റ്റ് ആയ
ഗോത്രപര്വ്വം ട്രൈബല്ഫെസ്റ്റിന്റെ ലോഗോ പ്രകാശനവും സംഘാടക സമിതിയുടെ സംബൂര്ണ്ണ യോഗവും നടത്തി. പനമരം എരനെല്ലൂര് ലക്ഷ്മി നരസിംഹ ക്ഷേത്ര ഹാളില് നടന്ന പരിപാടി ആര്എസ്എസ് പ്രാന്ത ബൗദ്ധീക് പ്രമുഖ് കെ.പി. രാധാകൃഷ്ണന് ഉദ്ഘാടനം ചെയ്തു. ഗോത്രവര്ഗ്ഗ സംസ്കാരവും കലാരൂപങ്ങളും അപ്രത്യക്ഷമായിക്കൊണ്ടിരിക്കുന്ന കാലഘട്ടമാണിത്. ഈ അവസരത്തില് ഗോത്രപര്വ്വം പോലുള്ള പരിപാടിക്ക് വലിയ പ്രാധാന്യമുണ്ട്. ഭാരതത്തിന്റെ വലിയൊരു ശതമാനം വരുന്ന ഗോത്രവര്ഗ്ഗ വിഭാഗമാണ് ഗോത്രസമൂഹം ഒരുകാലത്ത് സുഭിക്ഷമായി ജീവിച്ച് വന്നിരുന്നവരാണ്. പില്കാലത്ത് പലവിധ ചൂഷണങ്ങള്ക്ക് ഇവര് ഇരയായി ഇവര്ക്ക് സ്വന്തം മണ്ണും അസ്ഥിത്വം പോലും നഷ്ട്ടപ്പെടുന്ന സാഹചര്യമുണ്ടായി. എന്നാല് ഇത്തത്തെ കാലത്ത് ഏറ്റവും അഭിമാനകരമായ സാഹചര്യമാണ് ഗോത്രസമൂഹത്തിനുള്ളത് കാരണം ഭാരതത്തിലെ പ്രഥമ വനിത ഗോത്രസമൂഹത്തില് നിന്നുള്ളയാളാണ്. വനവാസി കലാരൂപങ്ങളുടെ സവിശേഷത അവരുടെ ജീവിതത്തില് നിന്ന് തന്നെയുള്ള എന്നതാണ്. ലോകത്തിലെ ഏത് കലാരൂപത്തേക്കാള് മാനം ഗോത്രകലാരൂപങ്ങള്ക്കുണ്ട്. അടിസ്ഥാന വിഭാഗത്തിന്റെ ശാക്തീകരണം ലക്ഷ്യം വെച്ച് നടത്തുന്ന ഗോത്രപര്വ്വം പരിപാടിക്ക് സമൂഹത്തില് വ്യക്തമായ പ്രാധാന്യമുണ്ടെന്നും അദ്ദേഹം പറഞ്ഞു. യോഗത്തില് വനവാസി വികാസകേന്ദ്രം സംസ്ഥാന രക്ഷാധികാരി പള്ളിയറ രാമന് പത്മശ്രീ ഡോ. ഡി.ഡി. സഗ്ദേവ് ലോഗോ നല്കി പ്രകാശനം ചെയ്തു. ഗോത്രപര്വ്വം സംഘാടക സമിതി കണ്വീനര് സി.കെ. ബാലകൃഷ്ണന്, ആര്എസ്എസ് ജില്ലാ സഹ സംഘചാലക് ടി.ഡി. ജഗന്നാഥകുമാര്, ആര്എസ്എസ് പ്രാന്ത ധര്മ്മജാഗരണ് സഹ സംയോജക് കെ.ജി. സുരേഷ്, ജന്മഭൂമി ന്യൂസ് എഡിറ്റര് എം.ബാലകൃഷ്ണന് തുടങ്ങിയവര് സംസാരിച്ചു.
Leave a Reply