സ്ത്രീ തൊഴിലാളികൾക്കായി കോഫി വിത്ത് കോപ്പ്സ്

By ന്യൂസ് വയനാട് ബ്യൂറോ

ചുണ്ടേൽ: ഹാരിസൺ എസ്റ്റേറ്റിലെ സ്ത്രീ തൊഴിലാളികൾക്കായി ഹാരിസൺസ് മലയാളം ലിമിറ്റഡ് ചുണ്ടേൽ ഫാക്ട്ടറി ഡിവിഷനും വയനാട് ജില്ലാ പോലീസും ‘കോഫി വിത്ത് കോപ്പ്സ്’ പരിപാടി സംഘടിപ്പിച്ചു. 25 ഓളം ആളുകൾ പങ്കെടുത്തു. സി എ പി പ്രൊജക്റ്റ് വയനാട് ജില്ലാ അസിസ്റ്റന്റ് നോഡൽ ഓഫീസർ കെ. മോഹൻദാസ്, കൽപ്പറ്റ സബ് ഡിവിഷൻ അസിസ്റ്റന്റ് നോഡൽ ഓഫീസർ ജയകുമാർ. പ്രൊജക്റ്റ് അസിസ്റ്റന്റ് ടി.കെ. ദീപ, ടി.എൽ. ലല്ലു എന്നിവർ തൊഴിലാളികളുമായി സംവദിച്ചു. സ്ത്രീകളും കുട്ടികളും തൊഴിലിടങ്ങളിലും കുടുംബങ്ങളിലും അനുഭവിക്കുന്ന വിവിധ തരം പീഡനങ്ങൾ, അസമത്വങ്ങൾ, അവർക്കു ലഭിക്കുന്ന നിയമസഹായങ്ങൾ എന്നിവയെ കുറിച്ച് വിശദീകരിച്ചു.