November 19, 2026

പൊഴുതനയിൽ രാപ്പകൽ സമരം ആരംഭിച്ചു

0
Img 20250405 192301
Merin S
By ന്യൂസ് വയനാട് ബ്യൂറോ

പൊഴുതന: തദ്ദേശസ്വയംഭരണ സ്ഥാപനങ്ങളോടുള്ള അവഗണനയിലും പ്ലാൻ ഫണ്ട് വെട്ടിച്ചുരുക്കിയതിലും പ്രതിഷേധിച്ചുകൊണ്ട് പൊഴുതന പഞ്ചായത്ത് യുഡിഎഫ് കമ്മിറ്റിയുടെ നേതൃത്വത്തിൽ രാപ്പകൽ സമരം ആരംഭിച്ചു.

 

കൽപ്പറ്റ നിയോജക മണ്ഡലം യുഡിഎഫ് ചെയർമാൻ ടി ഹംസ സമരപരിപാടിയുടെ ഉദ്ഘാടനം നിർവഹിച്ചു. വൈത്തിരി ബ്ലോക്ക് കോൺഗ്രസ് പ്രസിഡന്റ് പോൾസൺ കൂവക്കൽ സമാപന സമ്മേളനത്തിന്റെ ഉദ്ഘാടനം നിർവഹിക്കും. യുഡിഎഫ് പഞ്ചായത്ത് ചെയർമാൻ കെ.വി ഉസ്മാൻ അധ്യക്ഷത വഹിച്ചു.

 

തദ്ദേശ സ്ഥാപനങ്ങളെ സംസ്ഥാന സർക്കാർ അവഗണിക്കുകയാണെന്നും വികസന പ്രവർത്തനങ്ങൾക്ക് തുരങ്കം വെക്കുകയാണെന്നും സമരക്കാർ ആരോപിച്ചു. പ്ലാൻ ഫണ്ട് വെട്ടിക്കുറച്ച നടപടി പ്രതിഷേധാർഹമാണെന്നും ഇത് പഞ്ചായത്തുകളുടെ സാധാരണ പ്രവർത്തനങ്ങളെ പോലും പ്രതികൂലമായി ബാധിക്കുമെന്നും നേതാക്കൾ അഭിപ്രായപ്പെട്ടു.

 

രാപ്പകൽ നീണ്ടുനിൽക്കുന്ന സമരത്തിൽ നിരവധി യുഡിഎഫ് പ്രവർത്തകരും നേതാക്കളും പങ്കെടുത്തു. സമാപന സമ്മേളനത്തിൽ കൂടുതൽ നേതാക്കൾ പങ്കെടുക്കുമെന്നും തുടർ സമരപരിപാടികൾക്ക് രൂപം നൽകുമെന്നും യുഡിഎഫ് നേതൃത്വം അറിയിച്ചു.

Ad
Ad

Leave a Reply

Leave a Reply

Your email address will not be published. Required fields are marked *