ഓട്ടോറിക്ഷ തൊഴിലാളികള് പ്രതീഷിന് കൈത്താങ്ങായി
മാനന്തവാടി: മാനന്തവാടി ടൗണിലെ ഓട്ടോറിക്ഷ ഡ്രൈവറായ പ്രതീഷ് കെ.എം (36) ഓട്ടോറിക്ഷ അപകടത്തില് പെട്ട് ഗുരുതരാവസ്ഥയില് മേപ്പാടി മെഡിക്കല് കോളേജില് ചികിത്സയിലാണ്. അദ്ദേഹത്തിന്റെ സ്പയിനല് കോഡിന് ക്ഷതം സംഭവിച്ചതിനാല് ഇനിയങ്ങോട്ട് തൊഴിലെടുത്ത് കുടുംബം പോറ്റുവാനോ, പരസഹായമില്ലാതെ സ്വന്തം കാര്യങ്ങള് ചെയ്യുവാനോ കഴിയാത്ത അവസ്ഥയാണ്. ഈ സാഹചര്യത്തില് മാനന്തവാടിയിലെ ഓട്ടോറിക്ഷാ തൊഴിലാളി
സംയുക്ത ട്രേഡ് യുണിയനുകളുടെ നോതൃത്വത്തില് ചികിത്സാ സഹായ ധനശേഖരണാര്ത്ഥം ഇത്തത്തെ വരുമാനം പ്രതീഷിന്റെ ചികിത്സയ്ക്കായി നല്കും.
ഇന്ന് വൈകിട്ട് 4 മണി മുതല് 7 മണിവരെ ഗാന്ധി പാര്ക്കില് വെച്ചും സഹായങ്ങള് സ്വീകരിക്കുന്നതാണ്. ഇപ്പോള് തന്നെ 4 ലക്ഷം രൂപയ്ക്ക് മുകളില് പ്രതീഷിന്റെ ചികിത്സയ്ക്കായി ചിലവായി. ഭാര്യയും ഒന്നര വയസ്സും നാലര വയസ്സുമുള്ള രണ്ടു കുഞ്ഞു മക്കളും പ്രായമായ അച്ഛനും അമ്മയും അടങ്ങുന്ന കുടുംബത്തിന്റെ ഏക ആശ്രയമായിരുന്നു പ്രതീഷ്.ചികിത്സാധനശേഖരണം മാനന്തവാടി നഗരസഭ ചെയര്പേഴ്സണ് സി.കെ രത്നവല്ലി ഉദ്ഘാടനം ചെയ്തു.എം.പിശശികുമാര്,ബിജു പി.ആര്, സന്തോഷ് എ.നായര്,സജീവന്.കെ,അജീഷ്,ജിതിന്,രാജേഷ്, മനോജ്, വിനോദ്, ബിജു.എ എന്നിവര് പങ്കെടുത്തു
Leave a Reply