വ്യാജ സിഗരറ്റ് വിതരണം നടത്തി മുങ്ങിയ യുവാവ് പിടിയിൽ

By ന്യൂസ് വയനാട് ബ്യൂറോ

തലപ്പുഴ: സിഗരറ്റ് പാക്കറ്റുകൾ വ്യാജമായി നിർമിച്ച്‌ വിൽപ്പന നടത്തിയ കേസിലുൾപ്പെട്ട ശേഷം വിദേശത്തേക്ക് മുങ്ങിയ യുവാവ്പി ടിയിൽ. ബത്തേരി പള്ളിക്കണ്ടി കായാടൻ വീട്ടിൽ മുഹമ്മദ്‌ യാസിൻ (23) നെയാണ് തലപ്പുഴ പോലീസ് അറസ്റ്റ് ചെയ്തത്. 2024 സെപ്റ്റംബറിൽ ഐ ടി സി കമ്പനിയുടെ ബ്രാൻഡ് ആയ ഗോൾഡ് ഫ്ലാക്ക് സിഗരറ്റുകൾ എന്ന് തോന്നിക്കുന്ന തരത്തിലുള്ള സിഗരറ്റ് പാക്കറ്റുകൾ വ്യാജമായി നിർമിച്ച് തലപ്പുഴ ടൗണിലെ കച്ചവടക്കാർക്ക് വില്പന നടത്തുകയായിരുന്നു. മേൽ വിവരമറിഞ്ഞ ഐ ടി സി കമ്പനിയുടെ അംഗീകൃത വിതരണക്കാർ സ്ഥലത്ത് എത്തിയ്യതോടെ സിഗരറ്റ് പാക്കറ്റുകൾ ഉപേക്ഷിച്ച് ഇയാൾ മുങ്ങുകയായിരുന്നു. ശേഷം കേസിലുൾ പ്പെട്ടതറിഞ്ഞ് വിദേശത്തേക്ക്(ഖത്തർ)കടക്കുകയുമായിരുന്നു.ഇയാൾക്കായി പോലീസ് ലുക്ക്‌ ഔട്ട്‌ സർക്കുലർ പുറപ്പെടുവിച്ചതിൽ പ്രകാരം ഇന്നലെ കരിപ്പൂർ എയർപോർട്ടിൽ എത്തിയ വിവരം ലഭിക്കുകയും പോലീസ് ഇയാളെ കസ്റ്റഡിയിൽ എടുക്കുകയുമായിരുന്നു.