മുണ്ടക്കൈ-ചൂരല്മല മേഖലയില് സന്ദര്ശകര്ക്ക് കര്ശന നിയന്ത്രണം
മേപ്പാടി: മുണ്ടക്കൈ-ചൂരല്മല ദുരന്ത ബാധിത പ്രദേശങ്ങളില് മതിയായ കാരണങ്ങളും ആവശ്യങ്ങളില്ലാതെ ആളുകള് സന്ദര്ശിക്കുന്നത് കര്ശന നിയന്ത്രണം ഏര്പ്പെടുത്തിയതായി ജില്ലാ കളക്ടര് ഡി.ആര് മേഘശ്രീ അറിയിച്ചു. പ്രദേശത്ത് നിലവില് നിയന്ത്രണം ഏര്പ്പെടുത്തിയിട്ടും സന്ദര്ശകര് എത്തുന്നതില് പ്രദേശവാസികള് പരാതി അറിയിച്ചതിന്റെ അടിസ്ഥാനത്തില് മേഖലയില് കര്ശന നിയന്ത്രണം ഉറപ്പാക്കാന് ജില്ലാ പോലീസ് മേധാവിക്കും പ്രദേശത്തെ വിനോദസഞ്ചാര കേന്ദ്രങ്ങളില് നിന്നും ടൂറിസ്റ്റുകള് വനമേഖലയിലുടെ ദുരന്ത പ്രദേശങ്ങളില് എത്തുന്നത് തടയാന് സൗത്ത് വയനാട് ഡി.എഫ്്.ഒക്കും നിര്ദേശം നല്കി. അനാവശ്യമായ സന്ദര്ശനത്തിന് എത്തുന്നവര്ക്ക് കണ്ട്രോള് റൂമില് നിന്നും പാസ് അനുവദിക്കില്ലെന്നും ജില്ലാ കളക്ടര് അറിയിച്ചു.
Leave a Reply