ഭവന നിര്‍മ്മാണത്തിന് ഭൂമി: താത്പര്യമുള്ളവരില്‍ നിന്നും അപേക്ഷ ക്ഷണിച്ചു
കല്‍പ്പറ്റ നഗരസഭയില്‍ അതിദാരിദ്ര്യ വിഭാഗത്തില്‍പ്പെട്ട രണ്ട് ഗുണഭോക്താക്കള്‍ക്ക് വീട് നിര്‍മ്മിക്കാന്‍ സ്ഥലം ആവശ്യമുണ്ട്. നഗരസഭാ പരിധിയില്‍ ഉള്‍പ്പെട്ടതും വഴി സൗകര്യവുമുള്ള ആറു മുതല്‍ 10 സെന്റ് വരെ സ്ഥലം (ഒരാള്‍ക്ക് 3 മുതല്‍ 5 സെന്റ് വരെ) പ്ലോട്ടുകളായോ, വീടും സ്ഥലമായോ നല്‍കാന്‍ താത്പര്യമുള്ളവരില്‍ നിന്നും നഗരസഭ അപേക്ഷ ക്ഷണിച്ചു. ഏതെങ്കിലും തരത്തിലുള്ള കടബാധ്യതകളോ വ്യവാഹരങ്ങളോ ഇല്ലാത്ത സ്ഥമായിരിക്കണം. അപേക്ഷകള്‍ സെപ്റ്റംബര്‍ 17 നകം ലഭിക്കണം. ഫോണ്‍-04936 202349, 203744.
ക്വട്ടേഷന്‍ ക്ഷണിച്ചു
ജില്ലാ സ്പോര്ട്സ് കൗണ്‍സിലും ജില്ലാ വനിതാ ശിശു വികസന വകുപ്പും സംയുക്തമായി നടപ്പാക്കുന്ന ബേഠി ബച്ചാവോ ബേഠി പഠാവോ പദ്ധതിയില്‍ ഫുട്‌ബോള്‍ പരിശീലനത്തിന് കായിക ഉപകരണങ്ങള്‍ വാങ്ങാന്‍ ക്വട്ടേഷന്‍ ക്ഷണിച്ചു. ക്വട്ടേഷനുകള്‍ സെപ്റ്റംബര്‍ 22 വൈകിട്ട് മൂന്നിനകം സെക്രട്ടറി, ജില്ലാ സ്പോര്ട്സ് കൗണ്‍സില്‍, സിവില്‍ സ്റ്റേഷന്‍, കല്‍പ്പറ്റ നോര്‍ത്ത് വിലാസത്തില്‍ നല്‍കണം. ഫോണ്‍- 9778471869.
സ്‌പോട്ട് അഡ്മിഷന്‍
കേരള വെറ്ററിനറി ആന്‍ഡ് ആനിമല്‍ സയന്‍സ് സര്‍വകലാശാലക്ക് കീഴിലെ ഡയറി സയന്‍സ് കോളേജിലേക്ക് സ്‌പോട്ട് അഡ്മിഷന്‍ നടത്തുന്നു. താത്പര്യമുള്ളവര്‍ സര്‍ട്ടിഫിക്കറ്റുകള്‍, അനുബന്ധ രേഖകളുടെ അസല്‍, പകര്‍പ്പ്, കീം അനുബന്ധ രേഖകള്‍ സഹിതം സെപ്റ്റംബര്‍ 19 ന് രാവിലെ 10.30 നകം പൂക്കോട് ക്യാമ്പസിലെ സര്‍വകലാശാല ആസ്ഥാനത്ത് എത്തണം. കൂടുതല്‍ വിവരങ്ങള്‍ www.kvasu.ac.in ല്‍ ലഭിക്കും. ഫോണ്‍- 04936 209272, 9562367900, 8547053709.
Leave a Reply