വയനാടിന്റെ പരിസ്ഥിതി സംരംക്ഷണത്തിന് കൂട്ടായ ശ്രമം വേണമെന്ന് ശില്പശാല

കൽപ്പറ്റ: വയനാടിന്റെ പരിസ്ഥിതിയും കാലാവസ്ഥയും വീണ്ടെടുക്കുന്നതിന് കൂട്ടായ ശ്രമം വേണമെന്ന് ജലസമ്മേളനത്തോടനുബന്ധിച്ച് നടന്ന പൊതുചർച്ചയിൽ ആവശ്യം ഉയർന്നു. ജല സംരംക്ഷണവും പരിസ്ഥിതി സംരംക്ഷണവും ഓരോരുത്തരുടെയും ഉത്തരവാദിത്വമാണന്ന ബോധ്യം പൊതുജനങ്ങളിൽ വളർത്തണം. യുവജനങ്ങളുടെയും സാമൂഹ്യ സന്നദ്ധ പ്രവർത്തകരുടെയും ഉദ്യോഗസ്ഥരുടെയും മാധ്യമ പ്രവർത്തകരുടെയും കൂട്ടായ്മ ഇതിനായി രൂപപ്പെടുത്തണമെന്നും വയനാടിനായി ഒരു നയം രൂപീകരിക്കണമെന്നും  ചർച്ചയിൽ പങ്കെടുത്തവർ പറഞ്ഞു. പരിസ്ഥിതി മണ്ണ് – ജല സംരംക്ഷണത്തിനായി ഒരു മാസ്റ്റർ പ്ലാൻ തയ്യാറാക്കണം. പദ്ധതി നിർവ്വഹണത്തിന് ജില്ലാതലത്തിൽ ഏകോപനം ആവശ്യമാണന്ന് അഭിപ്രായമുയർന്നു.