ഓൺലൈൻ സേവനങ്ങളിൽ വയനാട് ഒന്നാം സ്ഥാനത്ത്: ഡിജിറ്റൽ യജ്ഞത്തിന് നല്ല പ്രതികരണം

ഓൺലൈൻ.നികുതി പിരിവിലും ഒന്നാം സ്ഥാനം: കലക്ടർക്ക് അഭിനന്ദനം.

കൽപ്പറ്റ: ജനങ്ങൾക്ക്  ഡിജിറ്റൽ സംവിധാനത്തിലുള്ള  സേവനങ്ങൾ  ഗുണ മേന്മയിൽ നൽകുന്ന കാര്യത്തിൽ വയനാട് സംസ്ഥാനത്ത് ഒന്നാമതെത്തി. ജി.എസ് .ടി . ഓൺ ലൈൻ രജിസ്ട്രേന്റെ  കാര്യത്തിലും  ഓൺലൈൻ നികുതി  പിരിവിന്റെ കാര്യത്തിലും ജില്ലക്ക് തന്നെയാണ് ഒന്നാം സ്ഥാനം. കഴിഞ്ഞ മാസം   അവസാനിച്ച അവലോകന   റിപ്പോർട്ടിലാണ് പ്രത്യേക പരാമർശമുള്ളത്. സംസ്ഥാന തല കലക്ടേഴ്സ്  യോഗത്തിൽ  ഇക്കാര്യത്തിൽ വയനാട് കലക്ടർ എസ്.  സുഹാസിന് പ്രത്യേക  അഭിന ന്ദനം കിട്ടി. ഈ  അഭിനന്ദനം ഒട്ടും വൈകാ തെ കലക്ടർ ഉദ്യോഗസ്ഥർക്ക് പകുത്തു നൽകുകയും ചെയ്തു. വാട്സ് ആപ്പ് വഴി കലക്ടർ ഉദ്യോഗസ്ഥരെ അഭിനന്ദനമറിയിച്ചു. 

    കേരളത്തിലാകെ ഓൺലൈൻ വഴി പിരിച്ച നികുതി തുകയുടെ 93 ശതമാനവും വയനാട്ടിൽ നിന്നാണ്. ജില്ലയിൽ 2, 19,547 നികുതി ദായകരിൽ നിന്നായി 1, 12,82,802 രൂപയാണ് പിരിഞ്ഞു കിട്ടിയത്. 

ഡിജിറ്റൽ സംവിധാനങ്ങളെ ഏകോപിപ്പിക്കുന്ന ജില്ലാ ഇ-ഗവേണൻസ് സൊസൈറ്റിയുടെ നേതൃത്വത്തിൽ അതാത് കാലഘട്ടങ്ങളിൽ പരിശീലനവും സാങ്കേതിക സഹായവും നൽകുന്നുണ്ട്.

         ജില്ലക്കാകെ ഡിജിറ്റൽ പദ്ധതി നടപ്പിലാക്കുന്നതിനുള്ള ഡിജിറ്റൽ വയനാട്   യജ്ഞവും   തുടർന്ന് വരുന്നുണ്ട്.( ഫോട്ടോ ക ലക്ടറുടെ കാട്ടിക്കുളത്തെ സഫലം പരിപാടിയുടേതാണ്)