കെ.ഇ.ടി. എമർജൻസി ടീമിന്റെ ട്രോമാകെയർ പരിശീലനം ഞായറാഴ്ച്ച കൽപ്പറ്റയിൽ

കൽപ്പറ്റയിൽ  ശാന്തി പെയിൻ ആന്റ് പാലിയേറ്റീവ് സെന്ററിൽ  ട്രോമാകെയർ പരിശീലന  ക്യാമ്പ് നടത്തും. 

     വെള്ളപ്പൊക്കം, ഉരുൾപൊട്ടൽ , തിപിടുത്തം,  വാഹനാപകടങ്ങൾ,  തുടങ്ങിയ ആപൽ ഘട്ടങ്ങളിൽ ദുരന്ത നിവാരണത്തിനും  രക്തദാനം  , മദ്യം മയക്കുമരുന്ന് എന്നിവക്കെതിരെ ബോധവൽക്കരണം,  റിലീഫ് പ്രവർത്തനം എന്നിവയിലും  അവശ്യ ഘട്ടങ്ങളിൽ  സേനാംഗങ്ങളുമായി ചേർന്ന് പ്രവർത്തിക്കുന്നതിനും  യുവാക്കളെ സജ്ജരാക്കുകയാണ്  കെ.ഇ.ടി. എമർജൻസി ടീം എന്നതുകൊണ്ട് ഉദ്ദേശിക്കുന്നത്.   

850 പേർ ഇപ്പോൾ ഈ സംഘത്തിലുണ്ട്. ഇവരിൽ 150 പേർക്കാണ്  പരിശീലനം നൽകുന്നത്.  ഏകദിന പരിശീലന പരിപാടിയിൽ ഫയർ ഫോഴ്സ് , ആർ.ടി.ഒ , ഹെൽത്ത്, പോലീസ് എന്നീ സേനകളിലെ ഉദ്യോഗസ്ഥർ പരിശീലനം നൽകും. പരിപാടി ജില്ലാ പഞ്ചായത്ത് പ്രസിഡണ്ട് കെ.ബി. നസീമ ഉദ്ഘാടനം ചെയ്യും. പി. എ മൊയ്തുട്ടി മൗലവി അധ്യക്ഷത വഹിക്കും. പ്രളയകാലത്ത്  മികച്ച പ്രവർത്തനം കാഴ്ച വെച്ച  സന്നദ്ധ പ്രവർത്തകരെ  ചടങ്ങിൽ ആദരിക്കും.  കൽപ്പറ്റ സർക്കിൾ  ഇൻസ്പെക്ടർ  പ്രവീൺ ഉപഹാര സമർപ്പണം നടത്തും.