കരാറുകാരൻ വാക്കുപാലിച്ചു: തരുവണയിൽ നിന്ന് റോഡ് പണി ആരംഭിച്ചു.

മാനന്തവാടി: വെള്ളമുണ്ടയിലെ കർമ്മസമിതിക്കും നാട്ടുകാർക്കും പൊതുമരാമത്ത് വകുപ്പുദ്യോഗസ്ഥരും കരാറുകാരനും കൊടുത്ത വാക്കുപാലിച്ചു. തരുവണ – വെള്ളമുണ്ട – നിരവിൽപ്പുഴ റോഡിന്റെ നിർമ്മാണ ജോലികൾ ആരംഭിച്ചു. സമരത്തിനൊരുങ്ങിയ നാട്ടുകാരോട് മെറ്റൽ നിരത്തുന്ന ജോലികൾ തിങ്കളാഴ്ച തുടങ്ങുമെന്ന് പൊതുമരാമത്ത് വകുപ്പ് അധികൃതർ കൽപ്പറ്റ ഓഫീസിൽ നടത്തിയ ചർച്ചയിൽ ഉറപ്പ് നൽകിയിരുന്നു. കാലാവസ്ഥ മോശമല്ലങ്കിൽ മെക്കാഡം ജോലികളും ചെയ്യുമെന്ന് കരാറുകാരൻ പറഞ്ഞിരുന്നു. കഴിഞ്ഞ ദിവസങ്ങളിൽ മഴ ആയതിനാൽ തിങ്കളാഴ്ചക്ക് പകരം ചൊവ്വാഴ്ചയാണ് മെറ്റൽ നിരത്തുന്ന ജോലി തുടങ്ങിയത്. കുഴികളിലെ വെള്ളം വറ്റിച്ചാണ് പ്രവൃത്തി തുടങ്ങിയത്.  രാത്രി മഴ ആയിരുന്നതിനാൽ രാവിലെ ജോലി തുടങ്ങാനായില്ല. ഉച്ചയോടെ മെറ്റൽ നിരത്തി തുടങ്ങി. തരുവണ മുതൽ വെള്ളമുണ്ട വരെയാണ് ആദ്യഘട്ടം. രണ്ടാം ഘട്ടം  മഴ കുറഞ്ഞാൽ ഒക്ടോബർ 20-ന് തുടങ്ങും.