ഭരണഭാഷാവബോധ പരിപാടി 15-ന് കൽപ്പറ്റയിൽ

ഉദ്യോഗസ്ഥ-ഭരണപരിഷ്‌കാര (ഔദ്യോഗിക ഭാഷ) വകുപ്പും ജില്ലാ ഭരണകൂടവും സംയുക്തമായി ഭരണഭാഷാവബോധ പരിപാടി നടത്തുന്നു. മാര്‍ച്ച് 15നു രാവിലെ 10ന് കളക്ടറേറ്റിലെ എപിജെ ഹാളില്‍ ജില്ലാ കലക്ടര്‍ എ.ആര്‍.അജയകുമാര്‍ ഉദ്ഘാടനം ചെയ്യും. എഡിഎം കെ.അജീഷ് അധ്യക്ഷത വഹിക്കും. ഉദ്യോഗസ്ഥ-ഭരണപരിഷ്‌കാര വകുപ്പ് അഡീഷനല്‍ സെക്രട്ടറി എസ് മുഹമ്മദ് ഇസ്മായില്‍കുഞ്ഞ് ഭരണഭാഷാ പ്രതിജ്ഞ ചൊല്ലിക്കൊടുക്കും. മലയാള സര്‍വകലാശാല അസോസിയേറ്റ് പ്രൊഫസര്‍ ഡോ. ടി വി സുനീത പ്രഭാഷണം നടത്തും. ഭാഷാവിദഗ്ധന്‍ ആര്‍.ശിവകുമാര്‍ വിഷയാവതരണം നടത്തും.  3.30ന് ഭരണഭാഷാ പ്രശ്‌നങ്ങളെക്കുറിച്ച് ചര്‍ച്ചയും സംഘടിപ്പിക്കും.