വയനാട് എക്സൈസ് സ്പെഷ്യൽ സ്ക്വാഡ് 200 ലിറ്റർ വാഷ് പിടികൂടി: രണ്ട് കേസുകൾ

വയനാട് എക്സൈസ് സ്പെഷ്യൽ സ്ക്വാഡ് മാനന്തവാടി താലൂക്കിലെ  വിവിധ ഭാഗങ്ങളിലായി നടത്തി പരിശോധനകളിൽ 2 അബ്കാരി കേസുകൾ കണ്ടെടുത്തു. വാളാട് എച്ച്.എസ്. വട്ടോളി റോഡിൽ  പാലമൂട്ടിൽ രാമചന്ദ്രൻ എന്നയാളുടെ തൊഴുത്തിനോട് ചേർന്ന ഷെഢിൽ നിന്നും ജാറിലും 2 ജാഡികളിലുമായി സൂക്ഷിച്ചിരുന്ന 100 ലിറ്റർ ചാരായം വാറ്റുന്നതിനുള്ള വാഷും വാറ്റുപകരണങ്ങളും കണ്ടെടുത്തു രാമചന്ദ്രനെ പ്രതിചേർത്ത് അബ്കാരി കേസെടുത്തു.ഉച്ച തിരിഞ്ഞ് പേരിയ വില്ലേജിലെ ഡിസ്കോ കവല ഭാഗത്ത് തൂത്തായിക്കുന്ന് ഫോറസ്റ്റ് മേഖലയിൽ നടത്തിയ പരിശോധനയിൽ ചാരായം വാറ്റുന്നതിനായി പാകപ്പെടുത്തി 2 അൻപതു ലിറ്ററിൻ്റെ ജാറിൽ സൂക്ഷിച്ചിരുന്ന 100 ലിറ്റർ വാഷും വാറ്റുപകരണങ്ങളും കണ്ടെടുത്ത് ഒരു അബ്കാരി കേസെടുത്തു. കോവിഡ് – 19 വ്യാപനം തടയുന്നതിൻ്റെ ഭാഗമായി മദ്യശാലകൾ അടഞ്ഞുകിടക്കുന്ന സാഹചര്യത്തിൽ വ്യാജവാറ്റ് വ്യാജമദ്യ നിർമ്മാണം എന്നിവ തടയുന്നതിൻ്റെ ഭാഗമായി പരിശോധനകൾ കൂടുതൽ കർശനമാക്കിയതിൻ്റെ അടിസ്ഥാനത്തിലാണ് റെയിസുകൾ നടത്തിയത്. വരും ദിവസങ്ങളിൽ ജില്ലയിൽ റെയിഡുകൾ കൂടുതൽ കർശനമാക്കുമെന്ന്  വയനാട് അസി.'എക്സൈസ് കമ്മീഷണർ . എൻ. രാജശേഖരൻ അറിയിച്ചു. പരിശോധനകൾക്ക് എക്സൈസ് സർക്കിൾ ഇൻസ്പെക്ടർ ജിമ്മി ജോസഫ്, പ്രിവ. ഓഫീസർമാരായ ബാബുരാജ്, പ്രഭാകരൻ, സതീഷ്, സി.ഇ.ഒ. മാരായ അമൽ, അർജുൻ,നിഷാദ്, സനൂപ്, അനിൽ, സുരേഷ്, പ്രമോദ്, ജിതിൻ, സുധീഷ്, ഡ്രൈവർ അൻവർ എന്നിവർ നേതൃത്വം നൽകി.