കനത്ത മഴ; റോഡ് സംരക്ഷണ ഭിത്തി തകർന്നു വീണു

By ന്യൂസ് വയനാട് ബ്യൂറോ

പിണങ്ങോട്: കനത്ത മഴയിൽ റോഡിന്റെ സംരക്ഷണഭിത്തി തകർന്നു. വെങ്ങപള്ളി പഞ്ചായത്തിലെ പന്ത്രണ്ടാം വാർഡിൽ ഉൾപ്പെടുന്ന പിണങ്ങോട് പീസ് വില്ലേജ് റോഡിന്റെ സംരക്ഷണഭിത്തിയാണ് തകർന്നത്. ഇന്ന് പുലർച്ചെയായിരുന്നു അപകടം. 13-ഓളം വീടുകളാണ് ഇതിനടുത്തായുള്ളത്. ഭിത്തിയുടെ കൂടെ രണ്ട് മരങ്ങളും പുഴക്ക് ഒഴുക്ക് തടസം വരുംതക്ക രീതിയിൽ വീണതിനാൽ തന്നെ പുഴയുടെ ഒഴുക്ക് തടസ്സപെട്ടിട്ടുണ്ട്. മഴ ഇനിയും കനക്കുകയാണെങ്കിൽ വെള്ളം കയറാനും സാമീപത്തെ വീടുകൾ അപകടാവസ്ഥയിലാകാനും സാധ്യത കൂടുതലാണ്.