ബദൽ റോഡ്: ജനപ്രതിനിധികൾ വയനാട്ടുകാരോട് മാപ്പ് പറയണം.: കർമ്മസമിതി

: താമരശ്ശേരി ചുരമിടിഞ്ഞ് വയനാട് ഒറ്റപ്പെട്ടപ്പോൾപ്പോലും ബദൽ പാതകളെക്കുറിച്ച് മിണ്ടാതിരുന്ന എം.പിയും, എം.എൽഎമാരും വയനാടൻ ജനതക്ക് അപമാനമാണെന്നും, ഇവർ ജനങ്ങളോട് മാപ്പു പറയണമെന്നും പൂഴിത്തോട് – പടിഞ്ഞാറത്തറ ചുരം ബദൽ റോഡ് കർമ്മസമിതി ആവശ്യപ്പെട്ടു. ബദൽ പാതകൾക്ക് വനഭൂമി വിട്ടുകിട്ടുന്നതിന് സംസ്ഥാന തലത്തിൽ വേണ്ട ഇടപെടലുകൾ നടത്തി കേന്ദ്രത്തിന് അപേക്ഷ നൽകുമെന്ന് പറഞ്ഞ് ജില്ലയിലെ ജനപ്രതിനിധികൾ കാലങ്ങളായി സമരമുഖത്തുള്ളവരെ വഞ്ചിക്കുന്നു. ജനത്തെ വെറും വോട്ടു ബാങ്കായി കാണുന്ന നിലപാട് ഇനിയെങ്കിലും അവസാനിപ്പിക്കണം.കഴിഞ്ഞ 25 കൊല്ലമായി പാതിവഴിയിൽ ഉപേക്ഷിക്കപ്പെട്ടതും 70% ലധികം പണി പൂർത്തീകരിച്ചതുമായ പൂഴിത്തോട്-പടിഞ്ഞാറത്തറ സാദ്ധ്യതകൾ നിലനിൽക്കുമ്പോഴാണ് അതിവ പരിസ്ഥിതി ലോല മേഖലയായ ചുരത്തിൽ വീണ്ടും വീണ്ടും നിർമ്മാണ പ്രവർത്തനങ്ങൾക്ക് കോടികൾ അനുവദിക്കുന്നത്.