മാനന്തവാടി ഉപജില്ലാ സ്കൂൾ കലോത്സവം : സ്റ്റേജ് മത്സരങ്ങൾ കാട്ടിക്കുളത്ത് തുടങ്ങി.
കാട്ടിക്കുളത്ത് കലയുടെ കേളികൊട്ട്
കാട്ടിക്കുളം :മാനന്തവാടി ഉപജില്ലാ സ്കൂൾ കലോത്സവത്തിന്റെ സ്റ്റേജ് മത്സരങ്ങൾ കാട്ടിക്കുളം ഗവൺമെന്റ് ഹയർ സെക്കണ്ടറി സ്കൂളിൽ തുടങ്ങി. . 8 വേദികളിലായി 2 ദിവസമാണ് സ്റ്റേജ് മത്സരങ്ങൾ നടക്കുന്നത് . പ്രളയാനന്തരം നവ കേരളം നിർമാണ കാലഘട്ടത്തിൽ കൂട്ടായ്മയുടെയും സംഘബോധത്തിന്റെയും സന്ദേശമുയർത്തിപിടിച്ചാണ് ഒട്ടും ആർഭാടങ്ങളില്ലാതെ ഇത്തവണ കലോത്സവത്തിന് തിരികൊളുത്തിയത് . തീർത്തും ഔപചാരികമായി മാത്രം നടത്തിയ ഉദ്ഘാടന പരിപാടിയിൽ കാട്ടിക്കുളം സ്കൂൾ പ്രിൻസിപ്പൾ ഇൻചാർജ് ബിജു ടി.എം സ്വാഗതം പറഞ്ഞു . തിരുനെല്ലി പഞ്ചായത്ത് വൈസ് പ്രസിഡന്റ് പി.വി ബാലകൃഷ്ണൻ ,എ.ഇ.ഒ. ലളിതാ ഭായ് ,ജില്ലാ പഞ്ചായത്ത് മെമ്പർ എ.എൻ പ്രഭാകരൻ , പി.ടി.എ. പ്രതിനിധികളായ സി.കെ ശങ്കരൻ , ടി.സി ജോസഫ് , സിജിത്ത് എന്നിവർ ചേർന്ന് തിരികൊളുത്തി. . ഹെഡ് മാസ്റ്റർ ലൂസി സി.ടി കലോത്സവം വിളംബരം ചെയ്തു .
Leave a Reply