വയനാട് സ്വദേശി കോവിഡ് ബാധിച്ച് തിരുവനന്തപുരത്ത് ചികിത്സയിൽ : പത്ത് പേർക്ക് രോഗമുക്തി.
കൽപ്പറ്റ. :
വയനാട് ജില്ലയില് ഒരാൾക്ക് കൂടി കോവിഡ് സ്ഥിരീകരിച്ചു. 10 പേര് രോഗ മുക്തി നേടി. ജൂൺ 26 ന് കുവൈത്തിൽ നിന്ന് തിരുവനന്തപുരത്ത് എത്തിയ മേപ്പാടി സ്വദേശി 24 കാരനാണ് രോഗം സ്ഥിരീകരിച്ച് തിരുവനന്തപുരത്ത് ചികിത്സയിലുള്ളത്.
സാമ്പിള് പരിശോധന നെഗറ്റീവ് ആയതിനെ തുടർന്ന് 10 പേർ ആശുപത്രിയിൽ നിന്നു ഡിസ്ചാർജ് ആയി. നെന്മേനി സ്വദേശി (47 വയസ്സ്), മീനങ്ങാടി സ്വദേശി (56), കുഞ്ഞോം സ്വദേശി (40), വെള്ളമുണ്ട സ്വദേശി (47), മാനന്തവാടി സ്വദേശി (27), ചീക്കല്ലൂർ സ്വദേശിനി (24), അമ്പുകുത്തി സ്വദേശിനി (42), മൂപ്പൈനാട് സ്വദേശികളായ ഏഴു വയസുകാരൻ, 33 കാരി, നൂൽപ്പുഴ സ്വദേശി (41) എന്നിവരാണ് രോഗ മുക്തി നേടിയത്.
നിലവിൽ രോഗം സ്ഥിരീകരിച്ച് 30 പേരാണ് മാനന്തവാടി ജില്ലാ ആശുപത്രിയിൽ ചികിത്സയിൽ കഴിയുന്നത്. മൂന്നുപേർ കോഴിക്കോട് മെഡിക്കൽ കോളേജിലും ചികിത്സയിലുണ്ട്.
3697 പേർ നിരീക്ഷണത്തില്
കോവിഡ്19 മായി ബന്ധപ്പെട്ട് ജില്ലയില് ഇന്ന് നിരീക്ഷണത്തിലായത് 188 പേർ.
214 പേർ നിരീക്ഷണ കാലം പൂർത്തിയാക്കി. ജില്ലയിൽ ഇപ്പോൾ നിരീക്ഷണത്തിലുള്ളത് 3697 പേർ.
41 പേർ മാനന്തവാടി ജില്ലാ ആശുപത്രിയിലും പട്ടികവർഗ്ഗ വിഭാഗത്തിൽപെടുന്ന 313 പേരുൾപ്പെടെ 1808 പേർ വിവിധ കോവിഡ് കെയർ സെന്ററുകളിലുമാണ് നിരീക്ഷണത്തിൽ കഴിയുന്നത്.
ഇതുവരെ പരിശോധനയ്ക്കയച്ച 3311 സാമ്പിളുകളിൽ 2753 ന്റെ ഫലം ലഭിച്ചു. ഇതില് 2690 നെഗറ്റീവും 63 പോസിറ്റീവുമാണ്. 553 സാമ്പിളുകളുടെ ഫലം ലഭിക്കാനുണ്ട്.
ഇതുകൂടാതെ സാമൂഹ്യ വ്യാപനം പരിശോധിക്കുന്നതിന്റെ ഭാഗമായി ജില്ലയിൽ നിന്നും ആകെ 5147 സാമ്പിളുകൾ പരിശോധനയ്ക്കായി അയച്ചിട്ടുണ്ട്. ഇതിൽ ഫലം ലഭിച്ച 4254 ൽ 4219 നെഗറ്റീവും 35 പോസിറ്റീവുമാണ്.
ജില്ലാ കൊറോണ കൺട്രോൾ റൂമിൽ നിന്ന് ജില്ലയിലെ കോവിഡ് കെയർ സെന്ററുകളിലും വീടുകളിലും നിരീക്ഷണത്തിലുള്ള 3062 പേരെ നേരിട്ട് വിളിച്ച് ആവശ്യമായ മാനസിക പിന്തുണയും ആരോഗ്യ സേവനങ്ങൾ, മരുന്നുകൾ എന്നിവയും ഉറപ്പുവരുത്തി.
Leave a Reply