Exclusive : മരണാനന്തര ചടങ്ങിൽ 150 : കല്യാണത്തിന് 400 പേരും പങ്കെടുത്തു : പോസിറ്റീവ് 100 കടക്കുന്നു. : പോലീസ് കേസ് എടുത്തു.

മാനന്തവാടി: വാളാട് കൊറോണവൈറസ് വ്യാപനത്തിന് കാരണമായ രണ്ട് ചടങ്ങുകളുമായി പങ്കെടുത്തത് 550 പേർ. മരണാനന്തര ചടങ്ങിൽ 150 പേരും കല്യാണത്തിന് 400 പേരും ഒരുമിച്ചു പങ്കെടുത്തു. ജൂലൈ 19 ന് ശേഷം നടന്ന ഈ ചടങ്ങുകൾക്ക് ശേഷം ആണ് വാളാട് കൊറോണ വൈറസ് വ്യാപനം ഉണ്ടായത്. മൂന്ന് ദിവസങ്ങളിലായി നടത്തിയ ആൻറിജൻ പരിശോധനയിൽ പോസിറ്റീവ് ആയവരുടെ എണ്ണം 100 കടന്നു. മരണാനന്തര ചടങ്ങ് നടന്ന   വീട്ടിലെ ആളുകൾക്കെതിരെയും   വിവാഹം നടത്തിയ കുടുംബത്തിലെ അംഗങ്ങൾക്കെതിരെയും തലപ്പുഴ പോലീസ് കേസെടുത്തു.