നികുതി പിരിവ് ഊർജിതം: അവധി ദിനത്തിലും സജീവമായി പടിഞ്ഞാറത്തറ ഗ്രാമപഞ്ചായത്ത് ഓഫീസ്

By ന്യൂസ് വയനാട് ബ്യൂറോ

പടിഞ്ഞാറത്തറ: മാർച്ച് മാസം അവസാനവാരത്തോടടുക്കുമ്പോൾ നികുതി പിരിവ് ഊർജിതമാക്കുന്നതിന്റെ ഭാഗമായി അവധി ദിനമായ രണ്ടാം ശനിയാഴ്ചയും പടിഞ്ഞാറത്തറ ഗ്രാമപഞ്ചായത്ത് ഓഫീസ് സജീവമായി പ്രവർത്തിച്ചു. മാർച്ച് 30-നകം നൂറു ശതമാനം നികുതി പിരിവ് പൂർത്തിയാക്കുക എന്ന ലക്ഷ്യത്തോടെ സെക്രട്ടറി ഉൾപ്പെടെയുള്ള ഭൂരിഭാഗം ജീവനക്കാരും കഴിഞ്ഞ ദിവസവും ഓഫീസിൽ ഹാജരായിരുന്നു. നികുതി ശേഖരണത്തിന് നേതൃത്വം നൽകുന്നതിനായി പഞ്ചായത്ത് പ്രസിഡന്റ് അടക്കമുള്ള ഭരണസമിതി അംഗങ്ങളും ഓഫീസിൽ എത്തിയിരുന്നു.