ചുണ്ടേൽ സ്കൂളിൽ ലഹരി വിരുദ്ധ ബോധവൽക്കരണ ക്ലാസ് സംഘടിപ്പിച്ചു

By ന്യൂസ് വയനാട് ബ്യൂറോ

ചുണ്ടേൽ: വൈത്തിരി ഗ്രാമപഞ്ചായത്ത് ജാഗ്രതാ സമിതിയുടെ നേതൃത്വത്തിൽ പഞ്ചായത്ത് പരിധിയിലെ സ്കൂളുകളിൽ നടപ്പിലാക്കുന്ന ബോധവൽക്കരണ പരിപാടികൾക്ക് തുടക്കമായി. ആദ്യഘട്ടമായി ചുണ്ടേൽ ആർ.സി എൽ.പി സ്കൂളിൽ സംഘടിപ്പിച്ച പരിപാടിയിൽ ലഹരി ഉപയോഗത്തിന്റെ ദൂഷ്യഫലങ്ങൾ, മൊബൈൽ ഫോണിന്റെ ദുരുപയോഗം, ‘ഗുഡ് ടച്ച് & ബാഡ് ടച്ച്’ എന്നീ വിഷയങ്ങളിൽ കുട്ടികൾക്കായി ക്ലാസ് നടത്തി. അസിസ്റ്റന്റ് ഇൻസ്‌പെക്ടർ ഓഫ് പോലീസ് മുരളി ക്ലാസിന് നേതൃത്വം നൽകി. ഐ.സി.ഡി.എസ് സൂപ്പർവൈസർ റെസീന, കമ്മ്യൂണിറ്റി വുമൺ ഫെസിലിറ്റേറ്റർ കരോളിൻ, ഹെഡ്മിസ്ട്രസ് സെൽവി ടീച്ചർ, റോസ് മേരി ടീച്ചർ എന്നിവർ സംസാരിച്ചു.