വീണ്ടും റെക്കോര്ഡ് ഭേദിക്കുമോ?, ഗിയറിട്ട് കുതിച്ച് സ്വര്ണവില; 73,000ലേക്ക്
കൊച്ചി: സംസ്ഥാനത്ത് സ്വര്ണവിലയില് വീണ്ടും വര്ധന. പവന് 80 രൂപയാണ് കൂടിയത്. ഇന്ന് 72,720 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 10 രൂപയാണ് വര്ധിച്ചത്. 9090 രൂപയാണ് ഒരു ഗ്രാം സ്വര്ണത്തിന്റെ വില. തിങ്കളാഴ്ച രണ്ടു തവണകളായി 1120 വര്ധിച്ചതോടെയാണ് ഒരിടവേളയ്ക്ക് ശേഷം സ്വര്ണവില വീണ്ടും 72,000ന് മുകളില് എത്തിയത്.കഴിഞ്ഞ മാസം 71,000നും 72,000നും ഇടയില് സ്വര്ണ വില കൂടിയും കുറഞ്ഞും നില്ക്കുന്ന കാഴ്ചയാണ് വിപണിയില് കണ്ടത്.
കഴിഞ്ഞ മാസം 15ന് 68,880 ലേക്ക് കൂപ്പുകുത്തിയ സ്വര്ണവില പിന്നീട് കരകയറി 71,000ന് മുകളില് എത്തിയ ശേഷമാണ് ചാഞ്ചാടി നിന്നത്. എന്നാല് തിങ്കളാഴ്ച രണ്ടു തവണകളായി 1120 രൂപ വര്ധിച്ച് 72000 കടന്നതോടെ വീണ്ടും റെക്കോര്ഡുകള് ഭേദിച്ച് സ്വര്ണവില കുതിക്കുമോ എന്ന പ്രതീതി സൃഷ്ടിച്ചിട്ടുണ്ട്.
Leave a Reply