കുളിര് തേടി മുളങ്കൂട്ട തണലിലേക്ക് ….. വേറിട്ട വേദിയായി കലക്ട്രേറ്റ് ഗാർഡൻ

കൽപ്പറ്റ: ഔപചാരികതയില്ലാതെ വേറിട്ട അവതരണവും സംഘാടനവുമായി പരിസ്ഥിതി സദസ്സ് ശ്രദ്ധേയമായി. കേരള പിറവി ദിന- ഭരണഭാഷാ വാരാഘോഷത്തിന്റെ ഭാഗമായാണ് കുളിര് തേടുന്ന വയനാട് എന്ന പേരിൽ വയനാട് ജില്ലാ ഇൻഫർമേഷൻ ആന്റ് പബ്ലിക് റിലേഷൻസ് വകുപ്പും ഹരിത കേരള – ശുചിത്വമിഷനും ചേർന്ന്    പരിസ്ഥിതി സദസ്സ് സംഘടിപ്പിച്ചത്. കലക്ട്രേറ്റിന് മുമ്പിലെ പാർക്കിൽ മുളങ്കൂട്ടത്തിന് ചുവട്ടിലായിരുന്നു വേദി. പ്രകൃതിദത്തമായ കുളിര് അനുഭവിച്ചാണ് ജില്ലാ കലക്ടർ അടക്കമുള്ളവർ പരിസ്ഥിതി സംരംക്ഷണത്തെ കുറിച്ച് സംസാരിച്ചാണ്.