ഹനാന് ഐക്യദാർഢ്യം പ്രകടിപ്പിച്ച് മലയാള കലാകാരൻമാരുടെ ദേശീയ സംഘടനയായ നന്മ

പഠനത്തോടൊപ്പം ജീവിത ചിലവിനും മീൻ വിൽപ്പനയിലൂടെ പണം കണ്ടെത്തി തൃശൂർ സ്വദേശിനിയും തൊടുപുഴ അൽഅസർ കോളേജിലെ മൂന്നാം വർഷ വിരുദ വിദ്യാർത്ഥിനിയുമായ ഹനാന്റെ കഥ കഴിഞ്ഞ ദിവസമാണ് പത്രത്തിൽ വാർത്തയായത്.പിന്നീട് നവ മാധ്യമങ്ങളിൽ പരിഹാസവർഷവുമായി എന്നാൽ ദൈവത്തിന്റെ സ്വന്തം നാട് എന്നറിയപ്പെടുന്ന കേരളത്തിൽ പഠനത്തിന് പണം കണ്ടെത്താൻ മീൻ വിൽപ്പന നടത്തിയ ഹനാനെ പോലുള്ളവരെ പരിഹസിക്കുന്ന പ്രവണത സാംസ്കാരിക കേരളത്തിന് അപമാനകരമാണ് ഇത്തരം പരിഹാസങ്ങൾ എതിർക്കപ്പെടെണ്ടതാണെന്നും ഹനാന്റെ അഗ്നിപരീക്ഷണ ജീവിതത്ത് ഐക്യദാർഢ്യം പ്രകടിപ്പിക്കുന്നതോടൊപ്പം പൂർണ്ണ പിൻതുണയും നൽകുന്നതായും നന്മ ഭാരവാഹികൾ പറഞ്ഞു.

വാർത്താ സമ്മേളനത്തിൽ എ.എൻ.മുകുന്ദൻ, കെ.മോഹനൻ, വർഗ്ഗീസ് കോട്ടയിൽ, ശരണ്യ ശ്രീജിത്ത് തുടങ്ങിയവർ പങ്കെടുത്തു.