മാനന്തവാടി മര്ച്ചന്റ്സ് അസോസിയേഷൻ വാര്ഷിക ജനറല് ബോഡിയോഗം 29 ന്
മഹാപ്രളയം വന്ന് നിരവധി സ്ഥാപനങ്ങള്ക്ക് വന് നഷ്ടം നേരിട്ട സാഹചര്യത്തില് വ്യാപാരികള്ക്ക് ഇന്ഷൂറന്സിന്റെ പരിരക്ഷ ലഭ്യമാക്കാനുള്ള പദ്ധതിക്ക് തുടക്കം കുറിക്കും. വ്യാപാരിക്ക് ആരോഗ്യ പരിരക്ഷാ പദ്ധതിയും മരണാനന്തര ആനുകൂല്യവും ലഭ്യമാക്കുന്ന ഇന്ഷൂറന്സ് പദ്ധതിക്കും തുടക്കം കുറിക്കുമെന്ന് ഭാരവാഹികള് അറിയിച്ചു.
മുഴുവന് അംഗങ്ങള്ക്കും ഐഡന്റിറ്റി കാര്ഡ് വിതരണത്തിന്റെ ഉദ്ഘാടനവും അന്നേ ദിവസം നിര്വ്വഹിക്കും. കഴിഞ്ഞ ഒരു വര്ഷത്തെ പ്രവര്ത്തന റിപ്പോര്ട്ടും കണക്കും യോഗത്തില് അവതരിപ്പിക്കും. കേരള വ്യാപാരി വ്യവസായി ഏകോപന സമിതി സംസ്ഥാന സെക്രട്ടറിയറ്റ് അംഗം കെ.കെ.വാസുദേവന് ജനറല് ബോഡി യോഗം ഉദ്ഘാടനം ചെയ്യും. മാനന്തവാടി ഡി.വൈ.എസ്.പി., കെ.എം.ദേവസ്യ അവാര്ഡ് വിതരണം നിര്വ്വഹിക്കും. പ്രളയ ദുരിതാ
ശ്വാസ പ്രവര്ത്തനങ്ങളില് നല്ല പ്രവര്ത്തനം കാഴ്ചവെച്ച മാനന്തവാടി താലൂക്ക് തഹസില്ദാര് എന്.ഐ.ഷാജുവിന് പ്രത്യേക പുരസ്ക്കാരം നല്കും. ചരക്ക് സേവന നികുതി സംബന്ധിച്ച് ഇതുവരെ വന്ന നോട്ടിഫിക്കേഷനുകള്, ഇലക്ട്രിസിറ്റി ബോര്ഡിന്റെ നിയമ നിര്ദ്ദേശങ്ങള്, മുനിസിപ്പാലിറ്റി ലൈസന്സ്, തൊഴില് നികുതി സംബന്ധിച്ച പുതിയ വിവരങ്ങള് ലേബര് ഓഫീസുമായി ബന്ധപ്പെട്ട കാര്യങ്ങള്, ഫുഡ്സേഫ്റ്റി, മാലിന്യ നിര്മ്മാര്ജ്ജനം തുടങ്ങി വിവിധ നിയമപരമായ കാര്യങ്ങളില് ബോധവല്ക്കണവും നടത്തുമെന്നും ഭാരവാഹികള് വാര്ത്താസമ്മേളനത്തില് അറിയിച്ചു.
വാര്ത്താ സമ്മേളനത്തില് പ്രസിഡണ്ട് കെ. ഉസ്മാന്, ജന.സെക്രട്ടറി പി.വി.മഹേഷ്,
ട്രഷറര് എന്.പി.ഷിബി, സെക്രട്ടറി ജോണ്സണ് ജോണ്, മുഹമ്മദലി എന്നിവര് വാര്ത്താ സമ്മേളനത്തില് പങ്കെടുത്തു.
Leave a Reply