അച്ചടക്കത്തിൽ അരി വാങ്ങി ആദിവാസികൾ: മാതൃകയായി ഗോത്രമേഖലയിലെ റേഷൻ കട

കാട്ടിക്കുളം: 

   ലോക്ക് ഡൗണിൽ കർശന നിയന്ത്രണത്തിൽ റേഷൻ വിതരണം .     തിരുനെല്ലി ഗ്രാമപഞ്ചായത്തിൽ ലോക്ക് ഡൗൺ നിയമങ്ങൾ പാലിച്ചാണ്  ആദിവാസികളും മറ്റ് വിഭാഗങ്ങളും റേഷൻ കടകളിൽ നിന്നും അരിവാങ്ങുന്നത്. തോൽപെട്ടി 19 ാം നമ്പർ  റേഷൻ കടയിൽ 6 പേർ വീതമാണ് ഭക്ഷ്യധാന്യം വാങ്ങാൻ   എത്തുന്നത്. സർക്കാറിന്റെ എല്ലാ നിയമങ്ങളും ഇവിടെ ഉൾകൊണ്ടാണ് തോൽപെട്ടി കൊച്ചുപുരക്കൽ തങ്കച്ചന്റെ റേഷൻ കടയിൽ അരിവിതരണം നടത്തുന്നത് .രാവിലെ മുതൽ ഉച്ചവരെ മഞ്ഞ ,പിങ്ക് കാർഡുകൾക്കും ഉച്ച കഴിഞ്ഞ് വെള്ള , നീല കാർഡുടമകൾ എന്നിവർക്കാണ് നൽകുന്നത് .തിരുനെല്ലി പഞ്ചായത്തിൽ ഏറ്റവും നല്ല റേഷൻ കട പ്രവർത്തിക്കുന്നതിന് സിവിൽ    സപ്ലൈസ് കടയുടമ തങ്കച്ചനെ മുമ്പ്  ആദരിച്ചിരുന്നു.  ബി.പി.എൽ കാർഡുകൾക്ക് 30 കിലോ അരിയും നീല വെള്ള കാർഡുകൾക്ക് 15 കിലോ അരിയുമാണ് സൗജന്യമായി  നൽകുന്നത്.