വയനാട് ജില്ലാ സി.ബി.എസ്.ഇ. കലോത്സവം മക്കിയാട് തുടങ്ങി

       കലോത്സവം  മക്കിയാട് സെന്റ് ജോസഫ്സ് ആശ്രമം മേധാവി  ഫാ: അൻസ് ലം  പള്ളിത്താഴത്ത് ഉദ്ഘാടനം നിർവ്വഹിക്കും. സിനിമാ നടൻ പ്രേം കുമാർ മുഖ്യാതിഥിയായിരുന്നു. സി.ബി.എസ്.ഇ.മാനേജ്മെന്റ് അസോസിയേഷൻ ജില്ലാപ്രസിഡണ്ട് വി.ജി.സുരേന്ദ്രനാഥ് അധ്യക്ഷത വഹിച്ചു. സി.ബി.എസ്.ഇ.മാനേജ്മെന്റ് അസോസിയേഷൻ സെക്രട്ടറി അബ്ദുൾ റൗഫ്, വയനാട് സഹോദയ പ്രസിഡണ്ട് സ്വീറ്റ ജോസ് ,പി.ടി.എ.പ്രസിഡണ്ട് പ്രിൻസ്, ഫാ.തോമസ് വട്ടാംകാട്ടേൽ, ഫാ: സന്തോഷ് കട്ടക്കൽ, രേഖ എസ്.നായർ തുടങ്ങിയവർ പ്രസംഗിച്ചു.    സ്റ്റേജിതര മത്സരങ്ങൾ കഴിഞ്ഞാഴ്ച മാനന്തവാടി ഹിൽ ബ്ലൂംസ് സ്കൂളിൽ നടന്നിരുന്നു.. മൈക്കൾ ആഞ്ചലോ,  റ്റിസിയാനോ, റാഫേൽ ,ലിയനാർഡോ ഡാവിഞ്ചി,, കാരാവാഗ്ഗിയോ എന്നീ അഞ്ച് വേദികളിലായാണ് മത്സരങ്ങൾ. 

     തിരുവാതിരക്കളി, മോഹിനിയാട്ടം, നാടോടി നൃത്തം, മോണോ ആക്ട്, മിമിക്രി, ലളിതഗാനം, തബല, മൃദംഗം, ഗിത്താർ, ഫ്ലൂട്ട്, വയലിൻ, കുച്ചുപ്പുടി, ഓട്ടൻതുള്ളൽ, ഗ്രൂപ്പ് ഡാൻസ്, കോൽക്കളി ദഫ് മുട്ട്,  ഒപ്പന, ദേശഭക്തി ഗാനം, മൈം ,മാർഗ്ഗംകളി, പാശ്ചാത്യ സംഗീതം, ബാൻഡ് എന്നീ 75 ഇനങ്ങളിലാണ് മത്സരങ്ങൾ. വിദ്യാർത്ഥികളെ നാല് വിഭാഗക്കളായി തിരിച്ചായിരിക്കും മത്സരിപ്പിക്കുക. ,ജില്ലയിലെ 27 സ്കൂളുകളിൽ നിന്നായി 2500 വിദ്യാർത്ഥികൾ കലോത്സവത്തിൽ പങ്കെടുക്കുന്നുണ്ട്..  

      21-ന് വൈകുന്നേരം അഞ്ച് മണിക്ക് നടക്കുന്ന സമാപന സമ്മേളന ഉദ്ഘാടനവും സമ്മാനദാനവും  തുറമുഖ മ്യൂസിയം വകുപ്പ് മന്ത്രി കടന്നപ്പള്ളി രാമചന്ദ്രൻ നിർവ്വഹിക്കും.. ഒ.ആർ.കേളു എം.എൽ.എ., തൊണ്ടർനാട് ഗ്രാമപഞ്ചായത്ത് പ്രസിഡണ്ട് ബാബു, വയനാട് പ്രസ്സ് ക്ലബ്ബ് പ്രസിഡണ്ട് രമേശ് എഴുത്തച്ചൻ തുടങ്ങിയവർ സംബന്ധിക്കും. മൈലാഞ്ചി ഫെയിം ഉണ്ണിമായ വിശിഷ്ടാതിഥിയായിരിക്കും.  ഫാ: അൻസേം പള്ളിത്താഴത്ത് അധ്യക്ഷത വഹിക്കും.