കൽപറ്റ നഗരസഭയിൽ അന്നത്തിലും അഴിമതിയെന്ന് കോൺഗ്രസ്സ് :കുത്തിയിരിപ്പ് സമരം നടത്തും
കൽപറ്റ : കോവിഡ് 19 ലോക്ഡൗണിൽ പ്രയാസപ്പെടുന്ന നിർധനർക്ക് അന്നം നൽകാൻ കൽപറ്റ നഗരസഭയിൽ ആരംഭിച്ച സാമൂഹിക അടക്കളയുടെ പേരിലും അഴിമതി നടത്തുന്നതിനതെിരെ മണ്ഡലം കോൺഗ്രസ്സ് കമ്മിറ്റി ചൊവ്വാഴ്ച രാവിലെ 10 മണിക്ക് നഗരസഭക്കു മുന്നിൽ കുത്തിയിരിപ്പ് സമരം നടത്തും. കമ്യൂണിറ്റി കിച്ചനെ നോക്കുകുത്തിയാക്കി സർക്കാർ പ്രഖ്യാപിച്ച ബജറ്റ് ഹോട്ടൽ നഗരസഭാ ഭരണ സമിതി സാമ്പത്തിക നേട്ടത്തിനാണ് ഉപയോഗിക്കുന്നതെന്ന് കോൺഗ്രസ് ആരോപിച്ചു.
സാധരണക്കാർക്കും പ്രയാസം അനുഭവിക്കുന്നവർക്കും സൗജന്യ ഭക്ഷണം നൽകുന്നതിന് സർക്കാറിൻ്റെ നിർദേശപ്രകാരമാണ് കമ്യൂണിറ്റി കിച്ചൻ വിഭാവനം ചെയ്തത്. തുടക്കത്തിൽ ജനങ്ങളുടെ കണ്ണിൽ പൊടിയിടുന്നതിന് രണ്ട് കമ്യൂണിറ്റി കിച്ചണുകൾ തുടങ്ങി. കിച്ചനു വേണ്ടി ഉദാരമതികളിൽ നിന്ന് വലിയ തോതിൽ സാമ്പത്തിക സമാഹരണവും അരി, പച്ചക്കറി തുടങ്ങി ഭക്ഷ്യവസ്തുകൾ വൻതോതിൽ ശേഖരിക്കുകയും ചെയ്തിരുന്നു. ഇത് സാധരണക്കാർക്ക് സൗജന്യമായി ഭക്ഷണമുണ്ടാക്കി നൽകുന്നതിന് പകരം സർക്കാർ പ്രഖ്യാപിച്ച ബജറ്റ് ഹോട്ടലില വിൽപന നടത്തുന്നതിനാണ് ഉപയോഗിച്ചത്. സി. പി.എം നേതാക്കൾക്ക് സാമ്പത്തിക ലാഭം ഉണ്ടാക്കുന്നതിനാണ് സാമൂഹിക അടുക്കള നോക്കുകുത്തിയാക്കിയത്. നഗരസഭ ദിനംപ്രതി അഴിമതിയുടെ കൂത്തരങ്ങായതിെൻറ ഒടുവിലത്തെ ഉദാഹരണമാണ് കമ്യൂണിറ്റി കിച്ചൻ നോക്കുകുത്തിയാക്കിയ സംഭവം. മണ്ഡലം പ്രസിഡണ്ട് ഗിരീഷ് കൽപ്പറ്റ അധ്യക്ഷത വഹിച്ചു ,സി ജയപ്രസാദ് ,സാലി റാട്ടക്കൊല്ലി, എസ് മണി ,പി കെ മുരളി എന്നിവർ സംസാരിച്ചു
Leave a Reply