ഗോത്ര ദമ്പതികൾ പോലീസായി:സല്യൂട്ട് നൽകി നാട്ടുകാർ
റിപ്പോർട്ട്‌ : ദീപാ ഷാജി പുൽപ്പള്ളി
പുൽപ്പള്ളി: പുൽപ്പള്ളി കാട്ടുനായ്ക്ക വിഭാഗത്തിൽ നിന്നും ദമ്പതികൾ ഒരുമിച്ച് പോലീസ് സേനയിലേക്ക് .
മുള്ളൻകൊല്ലി കാപ്പിപ്പൊടി കോളനിയിലെ പ്രാക്തന ഗോത്ര വർഗ്ഗ വിഭാഗത്തിലെ,കാട്ടുനായ്ക്ക വിഭാഗത്തിൽ നിന്നുമാണ് ഷിജുവും, ഭാര്യ സുധ വിശ്വനാഥും ഇനി പോലീസ് സേനയിലേക്ക് ചുവടുവെയ്ക്കുന്നത്.
ജീവിത പ്രാരാബ്ദങ്ങളുടെ വേനലിൽ തളർന്നിരുന്ന ഈ ദമ്പതികൾ തൃശ്ശൂർ പോലീസ് അക്കാദമിയിൽനിന്ന് പരിശീലനം പൂർത്തിയാക്കി ഇനി നാടിനു കാവലാളുകൾ ആകുന്നു .
ഷിജു പുൽപ്പള്ളി പഴശ്ശിരാജാ കോളേജിൽനിന്ന് ബിരുദം , സി.കെ രാഘവൻ മെമ്മോറിയൽ ബി.എഡ് കോളേജിൽ നിന്ന് ബി. എഡ് ഫസ്റ്റ്ക്ലാസോടെ പാസാവുകയും ചെയ്തു.
പ്ലസ് ടു വിജയിച്ചതിനു ശേഷം ഷിജു കൂലിപ്പണിക്ക് വരെ പോയാണ് കുടുംബം പുലർത്തിയിരുന്നത്.
നാലുവർഷം മുമ്പ് ഷിജു അവസാനവർഷ ബിരുദ്ധ വിദ്യാർത്ഥിയായിരിക്കുമ്പോളാണ് സുധയെ ജീവിതസഖിയാകുന്നത് .
പഠനത്തിൽ മിടുക്കിയായിരുന്ന സുധ കാലിക്കറ്റ് സർവകലാശാല നിന്നും എം. എ രണ്ടാം റാങ്കോടെ പാസായി.
ഷിജു പട്ടിക വകുപ്പിന്റെ സാമൂഹ്യ പഠനമുറിയിൽ ഇൻസ്ട്ര ക്ടറായി ജോലി ചെയ്തു വരുകയായിരുന്നു .
ഇപ്പോൾ, ഈ ദമ്പതികളുടെ പോലീസ് യിലേക്ക് ഒരുമിച്ചുള്ള ചുവടുവെപ്പ് നാടിനാകെ അഭിമാനമായിരിക്കുകയാണ്.
Leave a Reply