മന:സൗഖ്യ: വയനാട്ടിൽ മാനസികാരോഗ്യപരിപോഷണത്തിനായി ഒരു പുത്തൻസംരംഭം –
By ന്യൂസ് വയനാട് ബ്യൂറോ
വയനാട് ജില്ലയുടെ മാനസികാരോഗ്യനിലവാരം മെച്ചപ്പെടുത്തുക എന്ന ലക്ഷ്യവുമായി മാനസികാരോഗ്യകേന്ദ്രവും സാമൂഹികമാധ്യമ മുന്നേറ്റവും സംയുക്തമായി ഒരു പുതിയ സംരംഭത്തിന് ഇന്ന് (ഒക്ടോബർ 13) തുടക്കം കുറിക്കും. ഈ രംഗത്ത് വയനാട്ടിലെ പ്രഥമവും ഏറ്റവും കാര്യക്ഷമവുമായി പ്രവർക്തിക്കുന്നതുമായ ലൂയിസ്മൗണ്ട് ഹോസ്പിറ്റലിന്റെ സമ്പൂർണ്ണസഹകരണത്തോടെ സാമൂഹിക റേഡിയോ മാറ്റൊലിയാണ് ഒരു മാനസികാരോഗ്യബോധവത്കരണപരമ്പരയ്
മാനസികാരോഗ്യഅവബോധം, പരിപാലനം, പരിപോഷണം എന്നിവ ലക്ഷ്യമാക്കിയുള്ള ഒരു റേഡിയോ പ്രക്ഷേപണപരമ്പരയ്ക്കാണ് ഇന്ന് (ഒക്ടോബർ 13) റേഡിയോ മാറ്റൊലിയിൽ തുടക്കമിടുന്നത്. എല്ലാ വെള്ളിയാഴ്ചകളിലും വൈകുന്നേരം എട്ടുമണിയ്ക്കായിരിക്കും മന:സൗഖ്യ എന്ന പേരിലുള്ള ഈ ബോധവത്കരണപരിപാടി അവതരിപ്പിക്കുക.
മന:സൗഖ്യ റേഡിയോപ്രക്ഷേപണപരമ്പരയുടെ ഔദ്യോഗികമായ ഉദ്ഘാടനം ഇന്ന് (ഒക്ടോബർ 13) ഉച്ചകഴിഞ്ഞ് 3 മണിയ്ക്ക് ദ്വാരകയിലുള്ള സാമൂഹികറേഡിയോ മാറ്റൊലി കോൺഫ്രറൻസ്ഹാളിൽ നടക്കുന്നതാണ്. ലൂയീസ് മൗണ്ട് മാനസികാരോഗ്യകേന്ദ്രം അഡ്മിനിസ്ട്രേറ്റർ റവ. സി. ഗ്രേസി അദ്ധ്യക്ഷത വഹിക്കുന്ന യോഗത്തിൽ വയനാട് ജില്ലാ മെന്റൽഹെൽത്ത് പ്രോഗ്രാം നോഡൽ ഓഫീസർ ഡോ. ഉണ്ണികൃഷ്ണൻ ആർ നിർവ്വഹിക്കുന്നതാണ്. ലൂയീസ് മൗണ്ട് ഹോസ്പിറ്റലിലെ മാനസികാരോഗ്യ വിദഗ്ധനായ ഡോ. ചന്ദ്രൻ മുഖ്യപ്രഭാഷണവും മനശാസ്ത്ര വിദഗ്ധനായ ഡോ. ലിൻജോ വിഷയാവതരണ പ്രഭാഷണവും നടത്തും. മാറ്റൊലിക്കൂട്ടം കേന്ദ്രസമിതി പ്രസിഡന്റ് ശ്രീ ഷാജൻ ജോസ് ആശംസകളുമർപ്പിക്കും. ഉദ്ഘാടനയോഗത്തിൽ സ്റ്റേഷൻ ഡയറക്ടർ ഫാ. സെബാസ്റ്റ്യൻ പുത്തേൻ സ്വാഗതവും സീനിയർ അസ്സോസിയേറ്റ് ഡയറക്ടർ ഫാ. ജോസ് കാവുങ്കൽ നന്ദിയും അർപ്പിക്കും. ദേശീയഗാനത്തോടെ യോഗം സമാപിക്കുന്നതാണ്. അസ്സോസിയേറ്റ് ഡയറക്ടർമാരായ ഫാ. മനോജ് കാക്കോനാൽ, ഫാ. ജസ്റ്റിൻ മുത്താനിക്കാട്ട്, ജൂനിയർ സൂപ്രണ്ട് സിന്ധു ജസ്റ്റിൻ, പ്രോഗ്രാം പ്രൊഡ്യൂസർ നിഖിൽ അബ്രഹാം എന്നിവർ നേതൃത്വം നൽകും. യോഗത്തിൽ മാനസികാരോഗ്യ പ്രവർത്തകർ, മാറ്റൊലി മാനേജിംഗ് കമ്മിറ്റി, കണ്ടന്റ് മോണിറ്ററിംഗ്, വിഭിന്ന സന്നദ്ധ പ്രവർത്തകർ, ടീമംഗങ്ങൾ, പൊതുജനങ്ങൾ എന്നിവർ പങ്കെടുക്കും.
മന:സൗഖ്യയുടെ ലക്ഷ്യങ്ങൾ
1. മാനസികാരോഗ്യപരിപോഷണത്തിന്റെ പ്രാധാന്യത്തേയും പ്രസക്തിയേയും സാധ്യതകളേയും വെല്ലുവിളികളേയും കുറിച്ച് കൂടുതൽ അവബോധം സൃഷ്ടിക്കുക
2. മാനസികരോഗങ്ങളെകുറിച്ച് വസ്തുനിഷ്ഠവും ശാസ്ത്രീയവും മന:ശാസ്ത്രപരവുമായ അറിവു പകരുക
3. മാനസിക രോഗികളെ മനസ്സിലാക്കുന്നതിനും ചികിത്സിക്കുന്നതിനും പരിചരിക്കുന്നതിനും പുനരധിവസിപ്പിക്കുന്നതിനും അവരുമായി ആരോഗ്യപരമായി ഇടപഴകുന്നതിനും കുടുംബാംഗങ്ങളേയും ബന്ധുമിത്രാധികളേയും അയൽക്കാരേയും പൊതുജനങ്ങളേയും പ്രചോദിപ്പിക്കുക
4. മാനസികരോഗചികിത്സയിലുള്ള വിവിധ സാഹചര്യങ്ങളും സംരംഭങ്ങളും പദ്ധതികളും പരിചയപ്പെടുത്തുക
5. എല്ലാവരുടെയും നിലവിലുള്ള മാനസികാരോഗ്യം പരിപാലിക്കാനും പരിപോഷിപ്പിക്കാനും ശക്തിപ്പെടുത്താനുമുള്ള മാർഗ്ഗങ്ങളും സമീപനങ്ങളും ജീവിതശൈലികളും അവതരിപ്പിക്കുക
6. ശാസ്ത്രീയമായ മനോരോഗചികിത്സയ്ക്കും മനശാസ്ത്രകൗൺസിലിംഗിനും സൈക്കോതെറാപ്പിയ്ക്കും വിധേയരായി മാനസികാരോഗ്യം വീണ്ടെടുക്കാനും സന്തുലിതമായി നിലനിൽക്കാനും പ്രേരിപ്പിക്കുക
7. പൂർണ്ണമാനസികപക്വതയാർജ്ജിക്കാൻ മനുഷ്യനിലുള്ള മാനസികഗതികളേയും കഴിവുകളേയും സാദ്ധ്യതകളേയും തിരിച്ചറിഞ്ഞ് വർദ്ധിപ്പിച്ചിട്ട് കൂടുതൽ സന്തോഷകരമായ ജീവിതം നയിക്കാനുള്ള ഭാവാത്മക മന:ശാസ്ത്രസമീപനങ്ങളും ജീവിതരീതികളും മനസ്സിലാക്കാൻ സാഹചര്യമൊരുക്കുക
Leave a Reply