പാഴ് വസ്തുക്കളിൽനിന്നും മനോഹരമായ പുഷ്പങ്ങൾ: ഡ്രൈ ഫ്ലവർ മേക്കിങ് പരിശീലനം തുടങ്ങി.

മാനന്തവാടി: പാഴ് വസ്തുക്കളിൽനിന്നും മനോഹരമായ പുഷ്പങ്ങൾ, ഇവ വയനാടിന് പുത്തൻ പ്രതീക്ഷ നൽകുന്നു. ഉപയോഗ ശൂന്യമെന്ന് കരുതിയ പാള, തെങ്ങിൻ മടൽ, ഉപയോഗ ശൂന്യമായ തെങ്ങിൻ പൂംകൊല തുടങ്ങിയവയിൽ വിരിയുന്നത് ഒന്നാംതരം പുഷ്പങ്ങൾ. വയനാട് സോഷ്യൽ സർവീസ് സൊസൈറ്റി നബാർഡിന്റെ സാമ്പത്തിക സഹായത്തോടെ വനിതാ സ്വാശ്രയ സംഘങ്ങളിലെ അംഗങ്ങൾക്കുവേണ്ടി സംഘടിപ്പിച്ച ഡ്രൈ ഫ്ലവർ മേക്കിങ് പരിശീലനം ഏറെ പ്രതീക്ഷ നൽകുന്നു. വയനാട് ജില്ലയിലെ സുലഭമായി ലഭിക്കുന്ന പാള, തെങ്ങിന്റെ ഭാഗങ്ങൾ, മുള തുടങ്ങിയവ ഉപയോഗിച്ച് വൈവിധ്യങ്ങളായ ഡ്രൈ ഫ്‌ളവർസ് ആണ് ഈ പരിശീലനത്തിലൂടെ നിർമ്മിക്കുന്നത്.