മോട്ടോർ വാഹന വകുപ്പ് കൽപറ്റയിൽ ബുള്ളറ്റ് റാലി നടത്തി

കൽപറ്റ: 29-ാം മത് ദേശീയ  റോഡ് സുരക്ഷാ  വാരാചരണത്തിന്റെ ഭാഗമായി മോട്ടോർ വാഹന വകുപ്പ് കൽപറ്റയിൽ ബുള്ളറ്റ് റാലി സംഘടിപ്പിച്ചു. ബത്തേരി ഹാർഡി സാഡിൽസ് ബുള്ളറ്റ് ക്ലബ്ബാണ് റാലിയിൽ പങ്കെടുത്തത്.നിരവധി കാരുണ്യ പ്രവർത്തനങ്ങൾക്ക് വേണ്ടി കഴിഞ്ഞ 8 – വർഷമായി ഇവർ റാലി നടത്തുന്നു. കലക്ടറേറ്റിൽ നിന്ന് ആരംഭിച്ച റാലി ആർ ടി ഒ വി സജിത്ത് ഫ്ലാഗ് ഓഫ് ചെയ്തു.ജോ. ആർ ടി ഒ സി.വി.എം  ഷെരീഫ് അധ്യക്ഷത വഹിച്ചു. എം.വി.ഐ.എസ്.പി.ബിജുമോൻ റോഡിൽ ബൈക്ക് യാത്ര എങ്ങിനെ എന്ന് വിശദീകരിച്ചു. എം.വി.ഐമാരായ ടി.പി. യൂസഫ്, എം.മനു, എസ്.ഐ.പി.സുദനൻ, എ എം വി ഐമാരായ എസ്.പി.അനൂപ്, എസ്.മുരുകേഷ് എന്നിവർ റാലിയെ നിയന്ത്രിച്ചു.എല്ലാ ബുള്ളറ്റുകളിലും റോഡ് സുരക്ഷാ സന്ദേശ ബോർഡുകളും പ്രദർശിപ്പിച്ചിരുന്നു. ബത്തേരി ഹാർഡി സാഡിൽസ് ബുള്ളറ്റ് ക്ലബ് ഭാരവാഹികളായ പി. ഷമീർ, കെ.സന്ധ്യ, എം. മനാഫ്.കെ. ഫൈസൽ എന്നിവരും റാലിയിൽ അണിനിരന്നു. റാലി ലക്കിടിയിൽ സമാപിച്ചു.