ജില്ലാ ലോട്ടറി ഓഫീസിലേക്ക് മാർച്ച് നടത്തി

കൽപറ്റ: ലോട്ടറി മേഖലയിൽ സമ്മാനങ്ങൾ പരിഷ്ക്കരിക്കണമെന്നും സമ്മാനതുക വർദ്ധിപ്പിക്കണമെന്നും ആവശ്യപ്പെട്ടു കൊണ്ട് ഓൾ കേരള ലോട്ടറി ഏജ ആന്റ് സെല്ലേഴ്സ് കോൺഗ്രസ് ഐ എൻ ടി യു സി വയനാട് ജില്ലാ കമ്മിറ്റി കമ്മിറ്റിയുടെ നേതൃത്വത്തിൽ ജില്ലാ ലോട്ടറി ഓഫീസിന് മുമ്പിൽ ധർണ നടത്തി. ധർണ ജില്ലാ പ്രസിഡന്റ് എം.എ.ജോസഫ് ഉദ്ഘാടനം ചെയ്തു.ജില്ലാ  സെക്രട്ടറി പി.ഭുവനചന്ദ്രൻ, കെ.കെ.രാജേന്ദ്രൻ, കെ.ജോസഫ്, കെ.വി.അബ്ദുള്ള, പി.കെ.കൺമണി, എം.മോഹനൻ, പി. കുഞ്ഞൻ, സുന്ദർരാജ് എടപ്പെട്ടി എന്നിവർ സംസാരിച്ചു.