മുഖ്യമന്ത്രി പിണറായി വിജയൻ ഞായറാഴ്ച വയനാട്ടിൽ

നിയമസഭ തിരഞ്ഞെടുപ്പിന് മുന്നോടിയായി മുഖ്യമന്ത്രി പിണറായി വിജയൻ നടത്തുന്ന കേരള പര്യടനത്തിൻ്റെ ഭാഗമായി മുഖ്യമന്ത്രി മറ്റന്നാൾ വയനാട്ടിലെത്തും. കൽപ്പറ്റ പുളിയാർമല കൃഷ്ണ ഗൗഡർ ഹാളിൽ വിവിധ മേഖലകളിലെ പ്രമുഖരുമായി മുഖ്യമന്ത്രി കൂടിക്കാഴ്ച നടത്തും. വിവിധ സാമൂഹിക സംഘടനാ പ്രതിനിധികൾ, വ്യാപാരി വ്യവസായികൾ ,പ്രൊഫഷണലുകൾ, അഭിഭാഷകർ, ഡോക്ടർമാർ ,ആർക്കിടെക്റ്റുകൾ തുടങ്ങി ക്ഷണിക്കപ്പെട്ടവരാകും ചടങ്ങിൽ പങ്കെടുക്കുക, വിശിഷ്ട അതിഥികളുടെ നിർദ്ദേശങ്ങൾക്ക് മുഖ്യമന്ത്രി മറുപടി പറയും. കോഴിക്കോട് ജില്ലയിലെ പര്യടനത്തിനുശേഷമാണ് മുഖ്യമന്ത്രി പിണറായി വിജയൻ വയനാട്ടിലേക്ക് എത്തുക.