കബനി പുഴ കടന്ന് മദ്യത്തിനായും മറ്റും പോകുന്നത് തടയാൻ ശക്തമായ നടപടികളുമായി അധികൃതർ

പുൽപള്ളി: ആളുകൾ കബനി പുഴ കടന്ന് കർണാടകയിലേക്ക് മദ്യത്തിനായും മറ്റും പോകുന്നത് തടയാൻ ശക്തമായ നടപടികളുമായി അധികൃതർ. കബനി നദി കടന്ന് കർണാടകയിലേക്കും കേരളത്തിലേക്കും അനധികൃതമായി വരുന്നവർക്കെതിരെ കർശന നടപടി സ്വീകരിക്കുമെന്ന് ജില്ല കലക്ടർ ഡോ. അദീല അബ്​ദുല്ല അറിയിച്ചു. പെരിക്കല്ലൂർ, മരക്കടവ്, കൊളവള്ളി ഭാഗങ്ങളിൽ പോലീസ് കാവൽ ഏർപ്പെടുത്തുകയും അതിർത്തി പ്രദേശങ്ങളിലടക്കം പട്രോളിങ്ങും ശക്തമാക്കിയിട്ടുണ്ട്. ഒരാഴ്ചയിലധികമായി പെരിക്കല്ലൂർ തോണിക്കടവും മരക്കടവ് തോണിക്കടവും അടച്ചിരിക്കുകയാണ്. ഈ ഭാഗങ്ങളിലൂടെ ആളുകൾ ഇരുകരകളിലേക്കും വരുന്നുണ്ടോ എന്നറിയാൻ ശക്തമായ പരിശോധനയാണ് നടത്തുന്നത്.