പുരോഗമന പ്രസ്ഥാനത്തിന്റെ എൺപതാം വാർഷികം: സെമിനാർ 24-ന് കൽപ്പറ്റ ടൗൺ ഹാളിൽ

 വാർഷികാഘോഷങ്ങളുടെ ഭാഗമായുള്ള ജില്ലാതല സെമിനാർ സി.കെ. ശശീന്ദ്രൻ  എം.എൽ.എ. ഉദ്ഘാടനം ചെയ്യും .സ്വാഗത സംഘം ചെയർമാൻ എം. മധു അധ്യക്ഷത വഹിക്കും' . പുരോഗമന സാഹിത്യ പ്രസ്ഥാനവും ആധുനിക കേരളവും എന്ന വിഷയത്തിൽ കരിവള്ളൂർ മുരളി , ദേശീയതയുടെ സംഘർഷങ്ങൾ എന്ന വിഷയത്തിൽ കെ.ഇ. എൻ. കുഞ്ഞമ്മദ്, എഴുത്ത്, പ്രതിരോധം, രാഷ്ട്രീയം എന്ന വിഷയത്തിൽ കെ.പി. രമണൻ മാസ്റ്റർ എന്നിവർ സംസാരിക്കും. ജോസ് പാഴൂക്കാരൻ രചിച്ച കാപ്പി മൂപ്പന്റെ കടറിവുകൾ എന്ന പുസ്തകത്തിന്റെ പുതിയ എഡിഷന്റെ പ്രകാശനം ഇതോടനുബന്ധിച്ച് നടക്കും . 

കേരള കലാമണ്ഡലത്തിന്റെ ശതമോഹനം മോഹിനിയാട്ട ശില്പശാലയും അവതരണവും ഉണ്ടായിരിക്കും. കലാമണ്ഡലം റെസി ഷാജി ദാസ്, കലാമണ്ഡലം അക്ഷര ബിജീഷ് എന്നിവർ നേതൃത്വം നൽകും. ജില്ലയിലെ ഗ്രന്ഥശാല പ്രവർത്തകർ, സാംസ്കാരിക പ്രവർത്തകർ, വിദ്യാർത്ഥിക തുടങ്ങി സമൂഹത്തിന്റെ വിവിധ മേഖലകളിൽ ഉള്ളവർ സെമിനാറിൽ പങ്കാളികളാവും.