ഡാമിന്റെ ഷട്ടർ ഒന്നര മീറ്റർ ഉയർത്തി.: വയനാട്ടിൽ വീടുകളിൽ പോകാൻ കഴിയാതെ കാൽ ലക്ഷം പേർ.

കൽപ്പറ്റ:

വയനാട് ജില്ലയിൽ തിങ്കളാഴ്ച്ചയും മഴക്കെടുതിക്ക് ശമനമില്ല.

പൊഴുതന പഞ്ചായത്തിൽ ഈ മാസം എട്ടാം തിയതി മുതൽ തുടർച്ചയായി മൂന്ന് തവണ ഉരുൾപൊട്ടിയ കുറിച്യർ മലയിൽ കഴിഞ്ഞ രാത്രിയിലും ശക്തമായ ഉരുൾ പൊട്ടൽ .ഞായറാഴ്ച  രാതി 10.45-നും അർദ്ധരാത്രി 1.30 നും  തിങ്കളാഴ്ച    പുലർച്ചെ മൂന്ന് മണിക്കുമാണ് വൻ ഉരുൾപൊട്ടൽ ഉണ്ടായത്. ആളുകൾ നേരത്തെ തന്നെ ഒഴിഞ്ഞതിനാൽ  ആളപായമില്ല: ഭീകരമായ ശബ്ദമാണ് കേട്ടതെന്ന് ക്യാമ്പിൽ കഴിയുന്ന പ്രദേശവാസികൾ പറഞ്ഞു. ഇതിന് സമീപത്തെ മേൽമുറി പ്രദേശത്ത് നിന്നും ഉരുൾപൊട്ടലുണ്ടായ സേട്ടക്കുന്ന് പ്രദേശത്തു നിന്നും ആളൊഴിഞ്ഞിട്ടുണ്ട്. മൂന്നുറ് കുടുംബങ്ങളാണ് ഇവിടെ ഉള്ളത്. ആളപായമില്ല.