ക്യാമ്പിൽ നിന്ന് തിരിച്ചെത്തിയ കുടുംബങ്ങൾക്ക് മണ്ണിടിച്ചിൽ ഭീഷണി: തുശ്ശിലേരിയിൽ നാല് കുടുംബങ്ങളെ വീണ്ടും മാറ്റി

മാനന്തവാടി: തിരുനെല്ലി പഞ്ചായത്തിലെ തൃശ്ശിലേരി പ്ലാമൂല അടിയ കോളനിയിലും സമീപത്തെ ഉളിക്കൽ പ്രദേശത്തും വീണ്ടും മണ്ണിടിച്ചിൽ. തൃശ്ശിലേരി സ്കൂളിലെ ദുരിതാശ്വാസ ക്യാമ്പിൽ നിന്ന് വീടുകളിലെത്തിയവരെ അപകട   ഭീഷണിയെ തുടർന്ന് സുരക്ഷിത സ്ഥാനങ്ങളിലേക്ക് മാറ്റി. കഴിഞ്ഞ  16-ന് ഇവിടെ മണ്ണിടിച്ചിൽ ഉണ്ടായതിനെ തുടർന്ന് കോളനിയിലെ ശാന്ത, ചിന്നു, തേമ്പി , എന്നിവരുടെയും കൊടുകുളം ഉണ്ണികൃഷ്ണൻ, സരസ്വതി നിവാസ് കുഞ്ഞികൃഷ്ണ മാരാർ, ബീന നിവാസിൽ കൃഷ്ണമാരാർ, നാരായണൻ എന്നിവരുടെയും ഉളിക്കൽ പ്രദേശത്ത് ജോഗി , മാച്ചി, സീത, ജഡ്ഡി, വെള്ളി തിരുമ്മൻ എന്നിവരുടെ വീടുകൾ വാസയോഗ്യമല്ലാതായിരുന്നു .ഇവർ അടക്കം 75 കുടുംബങ്ങളിലെ മുന്നൂറോളം പേർ ഇപ്പോഴും ക്യാമ്പിലാണ്. തൃശ്ശിലേരി വില്ലേജ് ഓഫീസറും ഗ്രാമ പഞ്ചായത്തംഗം ടി. ശ്രീജയും കുടുംബശ്രീ പ്രോഗ്രാം മാനേജർ ആഷ പോളും സ്ഥലത്തെത്തി അപകട ഭീഷണി ഉള്ള  മാറ്റി.