മാനന്തവാടി ടൗണിലെ 33 കടകളിൽ പരിശോധന
മാനന്തവാടി ടൗണില് താലൂക്ക് സപ്ലൈ ഓഫീസര് പി.ഉസ്മാന്റെ നേതൃത്വത്തില് പൊതുവിപണിയില് പരിശോധന നടത്തി. വിലവിവരപട്ടിക പ്രദര്ശിപ്പിക്കുക, അമിത വില ഈടാക്കുന്നത് തടയുക, കരിഞ്ചന്ത, പൂഴ്ത്തിവെയ്പ്പ് എന്നിവ തടയുന്നതിനുമായി മാനന്തവാടി ടൗണിലെ 12 പച്ചക്കറികടകള്, 8 ഹോട്ടല്, 11 ഗ്രോസറി ഷോപ്പ്, 2 ചിക്കന് സ്റ്റാള് എന്നിങ്ങനെ 33 കടകള് പരിശോധിച്ചു. വരും ദിവസങ്ങളിലും പരിശോധന തുടരുമെന്നും, ഓണക്കാലത്ത് വിപണിയില് വില ഉയരുന്നത് തടയുന്നതിനുളള നടപടി സ്വീകരിക്കുമെന്നും സപ്ലൈ ഓഫീസര് അറിയിച്ചു. റേഷനിംഗ് ഇന്സ്പെക്ടര്മാരായ ജോഷി മാത്യു, എസ്.ജെ.വിനോദ്കുമാര് എന്നിവരും പങ്കെടുത്തു.
Leave a Reply