കവിത – മഴയോർമ്മ -പ്രജീഷ ജയരാജ്
പ്രജീഷ ജയരാജിൻ്റെ മഴയോർമ്മ എന്ന കവിത.
(വയനാട് പടിഞ്ഞാറത്തറ കാശാംകുറ്റി വിജയന്റെയും ഉഷയുടെയും മകളും
കണ്ണികുളത്തിൽ ജയരാജിന്റെ ഭാര്യയുമാണ്.. മക്കൾ അക്ഷയ, അഭിഷേക്. പ്രൈവറ്റ് സ്ഥാപനത്തിൽ ജോലി ചെയ്യുന്നു.ആനുകാലികങ്ങളിലും ഓൺലൈൻ മാധ്യമങ്ങളിലും എഴുതാറുണ്ട്.. )
?മഴയോർമ്മ?
വൈക്കോൽ കൂരയിൽ
നിന്നിറ്റു വീഴും മഴത്തുള്ളികൾ
നോക്കിയിരിക്കും..
മുറുക്കാൻ താളത്മകമായ്
ചവച്ചുകൊണ്ടങ്ങനെ മൗനത്തിൽ
മൂർച്ച കൂട്ടും ..
എറിച്ചിലിൻ ആക്കം കൂടി
ഇളങ്കോലായിലെ
ചാണകയടരുകൾ
തെറിച്ചു പോകുന്നതും
നോക്കിയങ്ങിനെ…
അകത്തെ ആവലാതി
പെയ്ത്തിനോടെന്നും
നിസംഗതയാണ്…..
എങ്കിലുമകത്തെ
ചോർച്ചയ്ക്കൊപ്പം
ആ അരവയർ
പെയ്ത്തും തുടരും..
അങ്ങിനെയൊരു
പെരുമഴയിലാ മൗനവും
മണ്ണിലലിഞ്ഞു ദാഹമകറ്റി …
അന്നു നിലച്ചതാണകത്തെപ്പെയ്ത്ത്
ഇന്നും കാർമേഘമിരുണ്ടു
കൂടിയിരിപ്പാണ്
പെയ്യാതെ മൂടിക്കെട്ടി..
ഇന്നും പെരുമഴയുടെ
സംഗീതത്തോടൊപ്പം
മണ്ണടരുകളിൽ അലിഞ്ഞ
ഓർമ്മകൾ എന്നിലേക്കെത്താറുണ്ട്
നനുത്ത ചൂടുള്ള
നെഞ്ചിൽ ചേർത്ത്
മധുരമായ് പാടിയ
ഈ താരാട്ടിനൊപ്പം
“കണ്ണും പൂട്ടിയുറങ്ങുക നീയെൻ
കണ്ണേ പുന്നാര പൊന്നു മകനേ….
Leave a Reply