വയനാടൻ അങ്കതട്ടിലേക്ക് 18 പേർ

കൽപ്പറ്റ:നിയമസഭാ തിരഞ്ഞെടുപ്പില്‍ സ്ഥാനാര്‍ത്ഥികളുടെ അന്തിമ ചിത്രം തെളിഞ്ഞു. വയനാട് ജില്ലയിലെ മൂന്ന് നിയോജകമണ്ഡലങ്ങളിലായി 18 സ്ഥാനാര്‍ത്ഥികളാണ് ജനവിധി തേടുന്നത്. മാനന്തവാടിയിലും കല്‍പ്പറ്റയിലും 7 പേര്‍ വീതവും സുല്‍ത്താന്‍ ബത്തേരിയില്‍ 4 പേരുമാണ് മത്സരരംഗത്തുളളത്. നാമനിര്‍ദ്ദേശ പത്രിക പിന്‍വലിക്കാനുളള അവസാന ദിനമായ തിങ്കളാഴ്ച്ച കല്‍പ്പറ്റ മണ്ഡലത്തില്‍ ഒരു പത്രിക പിന്‍വലിച്ചു. സ്വതന്ത്ര സ്ഥാനാര്‍ത്ഥിയായി പത്രിക നല്‍കിയ ഇ.ആര്‍ സന്തോഷ് കുമാറാണ് പത്രിക പിന്‍വലിച്ചത്.  ഏപ്രില്‍ 6 ന് രാവിലെ 7 മുതല്‍ വൈകീട്ട് 6 വരെയാണ് ജില്ലയിലെ വോട്ടെടുപ്പ്.

നിയോജക മണ്ഡലം, സ്ഥാനാര്‍ത്ഥിയുടെ പേരും പാര്‍ട്ടിയും , ചിഹ്നം ക്രമത്തില്‍;

*മാനന്തവാടി:*

1. ഒ.ആര്‍ കേളു (സി.പി.ഐ-എം) – ചുറ്റിക അരിവാള്‍ നക്ഷത്രം,

2. പി.കെ ജയലക്ഷമി (ഇന്ത്യന്‍ നാഷണല്‍ കോണ്‍ഗ്രസ്)- കൈ

3. പള്ളിയറ മുകുന്ദന്‍ (ബി.ജെ.പി) – താമര

4. വിജയ ചേലൂര്‍ (ബഹുജന്‍ സമാജ് പാര്‍ട്ടി) – ആന

5. ബബിത ശ്രീനു (എസ്.ഡി.പി.ഐ) – താക്കോല്‍

6. കേളു കെ.കെ (സ്വതന്ത്രന്‍) – സ്റ്റെതസ്‌ക്കോപ്പ്

7. ലക്ഷമി (സ്വതന്ത്ര) – പൈനാപ്പിള്‍

*കല്‍പ്പറ്റ:*

1. അശ്വിന്‍ ഭീംനാഥ് (ബഹുജന്‍ സമാജ് പാര്‍ട്ടി) – ആന

2. അഡ്വ. ടി.സിദ്ദിഖ് (ഇന്ത്യന്‍ നാഷണല്‍ കോണ്‍ഗ്രസ്) – കൈ

3. സുബീഷ്. ടി.എം (ബി.ജെ.പി) – താമര

4. എം.വി ശ്രേയാംസ് കുമാര്‍ (ലോക് താന്ത്രിക് ജനതാദള്‍) – ട്രാക്ടര്‍ ഓടിക്കുന്ന കര്‍ഷകന്‍

5. സുനില്‍ വൈദ്യര്‍ (അണ്ണാ ഡെമോക്രാറ്റിക് ഹൂമന്റൈറ്റ്സ് മൂവ്മെന്റ് പാര്‍ട്ടി ഓഫ് ഇന്ത്യ) – കുടം.

6. ശൈലേഷ്.കെ (സ്വതന്ത്രന്‍) – ഫുട്‌ബോള്‍

7. ടി.സിദ്ദിഖ് (സ്വതന്ത്രന്‍) – ഗ്ലാസ് ടംബ്ലര്‍

*സുല്‍ത്താന്‍ ബത്തേരി:*

1. സി.കെ ജാനു (ബി.ജെ.പി) – താമര

2. ഐ.സി ബാലകൃഷ്ണന്‍ (ഇന്ത്യന്‍ നാഷണല്‍ കോണ്‍ഗ്രസ്) -കൈ

3. എം.എസ് വിശ്വനാഥന്‍ (സി.പി.ഐ-എം) – ചുറ്റിക അരിവാള്‍ നക്ഷത്രം

4. ഒണ്ടന്‍ പണിയന്‍ (സ്വതന്ത്രന്‍) – ഓട്ടോറിക്ഷ