ബാങ്ക് ജീവനക്കാർക്ക് മുൻഗണനാക്രമത്തിൽ വാക്സിനേഷൻ നൽകണം
ബാങ്ക് ജീവനക്കാർക്ക് മുൻഗണനാക്രമത്തിൽ വാക്സിനേഷൻ നൽകണം
കൽപറ്റ: കോവിഡ് രണ്ടാം തരംഗം രൂക്ഷമായി തുടരുന്ന സാഹചര്യത്തിൽ ബാങ്ക് ജീവനക്കാരെ മുൻഗണനാ വിഭാഗത്തിൽ പെടുത്തി വാക്സിനേഷൻ നൽകണമെന്ന് അഖിലേന്ത്യ ബാങ്ക് ഓഫീസേഴ്സ് കോൺഫെഡറേഷൻ വയനാട് ജില്ലാ സമിതി ജില്ലാ കലക്ടർ അദീല അബ്ദുല്ലക്ക് നൽകിയ നിവേദനത്തിൽ ആവശ്യപ്പെട്ടു. കോവിഡ് പോരാളികളായി കേന്ദ്രസർക്കാർ പ്രഖ്യാപിച്ച വിഭാഗമാണ് ബാങ്ക് ജീവനക്കാർ. സാധാരണക്കാർക്ക് ബാങ്കിങ് സേവനം മുടങ്ങാതെ നിലനിർത്തുന്നവരായിട്ടും നിർഭാഗ്യവശാൽ വയനാട് ജില്ലയിലെ മിക്ക ജീവനക്കാർക്കും വാക്സിനേഷൻ നൽകിയിട്ടില്ല. കേന്ദ്ര ആഭ്യന്തര മന്ത്രാലയവും ആരോഗ്യമന്ത്രാലയവും ഇവരെ മുൻഗണന വിഭാഗത്തിൽ ഉൾപെടുത്തണമെന്ന് നിർദേശം നൽകിയതാണ്. ഇത് പരിഗണിച്ച്, ബാങ്ക് ജീവനക്കാർക്കായി വാക്സിനേഷൻ ക്യാമ്പുകൾ സംഘടിപ്പിക്കണമെന്ന് ജില്ലാ സെക്രട്ടറി പി.പി മുഹമ്മദ് ഇസ്മായിൽ ആവശ്യപ്പെട്ടു.
Leave a Reply