യാത്രയപ്പ് ഉപഹാരം ദുരിത ബാധിതർക്ക് നൽകി മീനങ്ങാടി എസ്.ഐ. സി.വി. ജോർജ്: നാളെ സർവീസിൽ നിന്ന് വിരമിക്കും.
സര്‍വ്വീസ് കാലയളവില്‍ ഏറ്റവുമവസാനം ലഭിക്കുന്ന യാത്രയയപ്പ് നിമിഷം അനശ്വരമാക്കി മീനങ്ങാടി എസ്.ഐ സി.വി ജോര്‍ജ് വേറിട്ടു നിന്നു. കേരള പൊലിസ് അസോസിയേഷനും കേരള പൊലിസ് ഓഫിസേഴ്‌സ് അസോസിയേഷനും സംയുക്തമായി നടത്തിയ യാത്രയയപ്പ് ചടങ്ങിലാണ് തനിക്കു കിട്ടിയ ഒരു പവന്റെ സ്വര്‍ണനാണയം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുകയാണെന്ന് അറിയിച്ചത്. തുടര്‍ന്ന് സഹപ്രവര്‍ത്തകരോടൊപ്പം നേരിട്ട് കളക്ടറേറ്റിലെത്തി ജില്ലാ കളക്ടര്‍ക്ക് ഒരു പവന്‍ സ്വര്‍ണ്ണ നാണയത്തിന്റെ മൂല്യമുള്ള തുക കൈമാറി. കേരള പൊലിസ് അസോസിയേഷന്‍ പ്രസിഡന്റ് കെ.എം ശശീധരന്‍, സെക്രട്ടറി പി.ജി സജീഷ് കുമാര്‍, കേരള പൊലിസ് ഓഫിസേഴ്‌സ് അസോസിയേഷന്‍ പ്രസിഡന്റ് പി.സി സജീവന്‍, മുന്‍ പ്രസിഡന്റ് കെ.പി രാധാകൃഷ്ണന്‍ തുടങ്ങിയവരും ഒപ്പമുണ്ടായിരുന്നു. അമ്പലവയല്‍ സ്വദേശിയായ സി.വി ജോര്‍ജ് ആഗ്‌സറ്റ് 31 ന് സര്‍വ്വീസ് കാലവധി പൂര്‍ത്തിയാവും. സംസ്ഥാന പൊലിസ് സേനയില്‍ 29-ാം വര്‍ഷത്തെ സേവനമാണ് അദ്ദേഹത്തിന്റേത്.
Leave a Reply