രക്ഷാ സംഘത്തിനെത്താൻ കഴിഞില്ല: മേപ്പാടി റാണി മലയിൽ 40 ഇതര സംസ്ഥാന തൊഴിലാളികളെ രക്ഷപ്പെടുത്താനായില്ല.

മേപ്പാടി മുണ്ടക്കൈ റാണിമല എസ്റ്റേറ്റിൽ ജോലിക്കെത്തിയ എഴുപതോളം ഇതര സംസ്ഥാന തൊഴിലാളികൾ കുടുങ്ങിക്കിടക്കുന്നു. ഇന്നലെ തൊഴിലാളികളെ സുരക്ഷിത സ്ഥലത്തേക്ക് മാറ്റാൻ ശ്രമിച്ചിരുന്നുവെങ്കിലും പ്രദേശത്തേക്ക് എത്തിപ്പെടാൻ രക്ഷാപ്രവർത്തകർക്ക് കഴിഞ്ഞിരുന്നില്ല. മുണ്ടക്കൈ ഭാഗത്ത് വിവിധ സ്ഥലങ്ങളിൽ ഉരുൾപൊട്ടൽ ഉണ്ടായിരുന്നു. ഈ സാഹചര്യത്തിലാണ് തൊഴിലാളികളെ പുറത്തെത്തിക്കാൻ ശ്രമം നടത്തിയത്. കേന്ദ്രസേനയുടെ സഹായത്തോടെ തൊഴിലാളികളെ പുറത്തെത്തിക്കാനുള്ള നടപടികൾ സ്വീകരിക്കുമെന്ന് കരുതിയിരുന്നെങ്കിലും സ്ഥിതി മോശമായതിനാൽ രക്ഷാപ്രവർത്തനം സാധ്യമായില്ല..