മീനങ്ങാടിയിൽ ഒൻപതാം ക്ലാസ് വിദ്യാർത്ഥിനി തൂങ്ങി മരിച്ച നിലയിൽ

മീനങ്ങാടി പാലക്കമൂല കൊങ്ങിയമ്പം സ്രാമ്പിക്കല്‍ ഗിരീഷിന്റെയും,നിഷയുടെയും മകള്‍ ഗംഗ(14)യെയാണ് വീടിനുള്ളിലെ ഫാനില്‍ തൂങ്ങി മരിച്ച നിലയില്‍ കണ്ടെത്തിയത്.അനുജത്തി ഗായത്രി കുളി കഴിഞ്ഞ് ബെഡ് റൂമിന്റെ വാതില്‍ തുറന്നപ്പോള്‍ ഫാനില്‍ തൂങ്ങിയ നിലയില്‍ കാണുകയായിരുന്നു.സമീപവാസികളെത്തി മീനങ്ങാടി സ്വകാര്യ ക്ലിനിക്കില്‍ എത്തിച്ചെങ്കിലും മരണപ്പെട്ടിരുന്നു. മൃതദേഹം സുല്‍ത്താന്‍ ബത്തേരി താലൂക്കാശുപത്രിയില്‍. മീനങ്ങാടി ഗവ: ഹയര്‍ സെക്കണ്ടറി സ്‌കൂള്‍ ഒന്‍പതാം തരം വിദ്യാര്‍ത്ഥിനിയാണ് ഗംഗ.