ഗുഡ്സ് വാഹനത്തിൽ കടത്താൻ ശ്രമിച്ച 8 ലിറ്റർ കർണാടക മദ്യം പിടികൂടി

മുത്തങ്ങ: ഗുഡ്സ് വാഹനത്തിൽ കടത്താൻ ശ്രമിച്ച 8 ലിറ്റർ കർണാടക മദ്യം പിടികൂടി. വയനാട് ജില്ലാ പോലീസ് മേധാവിയുടെ കീഴിൽ പ്രവർത്തിക്കുന്ന ലഹരി വിരുദ്ധ സേനാംഗങ്ങളും, ബത്തേരി എസ് ഐ കെ.സി മണിയും പാർട്ടിയും ഡോഗ് സ്ക്വാഡിന്റെ സഹായത്തോടെ മുത്തങ്ങ-മൂലഹള്ളക്കു സമീപം നടത്തിയ വാഹന പരിശോധനയിലാണ് കെ എ 01 എ ജി 6021 ഗുഡ്സ് ലോറിയിൽ നിന്നും 8 ലിറ്റർ കർണ്ണാട മദ്യം പിടികൂടിയത്. സംഭവവുമായി ബന്ധപ്പെട്ട് ഡ്രൈവർ കോഴിക്കോട് പുതുപ്പാടി സ്വദേശി മേനിക്കാേട് പുരയിൽ നിജീഷ്.എം പി. (35) യുടെ പേരിൽ കേരള അബ്കാരി നിയമം 55 (എ), 55 (ഐ) പ്രകാരം കേസ് രജിസ്റ്റർ ചെയ്തു.