വയനാട് പ്രസ്സ് ക്ലബ്ബ് കലാസന്ധ്യ 26-ന് : സിനിമാ നടൻ ജഗദീഷും സംഘവുമെത്തും

കൽപ്പറ്റ:  വയനാട് പ്രസ്സ് ക്ലബ്ബ്  ജീവകാരുണ്യ സേവന പ്രവർത്തനങ്ങൾക്കായി  രൂപീകരിക്കുന്ന കാരുണ്യ ബനവലന്റ്  ഫണ്ടിന്റെ ഭാഗമായി   നടത്തുന്ന കലാസന്ധ്യ 26-ന് വൈകുന്നേരം ആറ് മണിക്ക് കൽപ്പറ്റ പുളിയാർമല കൃഷ്ണഗൗഡർ ഹാളിൽ നടക്കും. പ്രശസ്ത സിനിമാ താരവും  ടി.വി.  അവതാരകനുമായ ജഗദീഷും  സിനിമാ പിന്നണി ഗായികയും അവാർഡ് ജേതാവുമായ കീർത്തന  ശബരീഷും സംഘവും  പരിപാടി നയിക്കും.  പ്രസ്സ് ക്ലബ്ബിൽ നിന്നും മുൻ കൂട്ടി പ്രവേശന പാസ് ലഭിക്കും. 26-ന് വൈകുന്നേരം നാലര മുതൽ പരിപാടി നടക്കുന്ന ഹാളിലെ പ്രത്യേക കൗണ്ടറിൽ നിന്നും പ്രവേശന പാസ്  ലഭിക്കും.  പരിപാടിയുടെ വിജയത്തിനായി സ്വാഗത സംഘത്തിന്റെ നേതൃത്വത്തിൽ  മുന്നൊരുക്കങ്ങൾ നടത്തി വരുന്നുണ്ട്. കലാസന്ധ്യ   തുറമുഖ മ്യൂസിയം വകുപ്പ് മന്ത്രി  കടന്നപ്പള്ളി രാമചന്ദ്രൻ  ഉദ്ഘാടനം ചെയ്യും. ഐ.സി. ബാലകൃഷ്ണൻ എം.എൽ. എ  അധ്യക്ഷത വഹിക്കും.