രാഹുൽ ഗാന്ധിയെ 431770 വോട്ടിന്റെ റെക്കോർഡ് ഭൂരിപക്ഷത്തിൽ വയനാട് വിജയിപ്പിച്ചു: ഉയർന്ന ഭൂരിപക്ഷം വണ്ടൂർ നിയമസഭാ മണ്ഡലത്തിൽ .

സി.വി.ഷിബു.

കൽപ്പറ്റ: ലോക് സഭാ തിരഞ്ഞെടുപ്പിൽ രണ്ടാം മണ്ഡലമായി വയനാടിനെ തിരഞ്ഞെടുത്ത കോൺഗ്രസ് അധ്യക്ഷൻ രാഹുൽ ഗാന്ധിക്ക് വയനാടൻ ജനത റെക്കോർഡ് ഭൂരിപക്ഷം  നൽകുമെന്ന  വാഗ്ദാനം  പാലിച്ചു. മണ്ഡലത്തിന്റെ ചരിത്രത്തിലെയും ഈ തിരഞ്ഞെടുപ്പിലെ കേരളത്തിൽ നിന്നുള്ള  റെക്കോർഡ് ഭൂരിപക്ഷവുമായ  431770  വോട്ടിന്റെ ഭൂരിപക്ഷമാണ്  മൂന്നാം തവണയും കോൺഗ്രസിനെ വിജയിപ്പിച്ച വയനാട് പാർലമെന്റ് മണ്ഡലം രാഹുലിന് സമ്മാനിച്ചത്.  1089999 പേർ  വോട്ട് ചെയ്ത മണ്ഡലത്തിൽ  706367 വോട്ട് രാഹുലിന് കിട്ടി.

   തൊട്ടടുത്ത സ്ഥാനാർത്ഥി എൽ.ഡി.എഫിൽ മത്സരിച്ച സി.പി.ഐ. യിൽ നിന്നുള്ള  പി.പി. സുനീറിന് 274597

 വോട്ടും മൂന്നാം സ്ഥാനത്തെത്തിയ എൻ. ഡി.എ.ക്ക് വേണ്ടി മത്സരിച്ച  ബി.ഡി.ജെ.എസിലെ  തുഷാർ വെള്ളാപ്പള്ളിക്ക്  78816 വോട്ടുമാണ് ലഭിച്ചത്.

കോൺഗ്രസ് ഉച്ചയോടെ തന്നെ മണ്ഡലത്തിലെങ്ങും ആഹ്ലാദ പ്രകടനം നടത്തി.

      രാവിലെ വോട്ട് എണ്ണി തുടങ്ങിയപ്പോൾ മുതൽ രാഹുൽ ഗാന്ധി വ്യക്തമായ മുന്നേറ്റത്തിലായിരുന്നു. ഓരോ മണിക്കുറിലും രാഹുലിന്റെ ഭൂരിപക്ഷം ക്രമാതീതമായി വർദ്ധിച്ചു കൊണ്ടിരുന്നു. ഓരോ നിയോജക മണ്ഡലത്തിലും മുന്നണികൾക്ക് ലഭിച്ച വോട്ട് ചുവടെ.:

കൽപ്പറ്റ:

രാഹുൽ ഗാന്ധി – 101229

പി.പി. സുനീർ – 37475

തുഷാർ വെള്ളാപ്പള്ളി – 14122

മാനന്തവാടി: