എല്ലാ ജില്ലകളിലും ടി. പി ആർ അഞ്ച് ശതമാനത്തിന് താഴെയെത്തിക്കണം, കേസുകൾ കുറക്കാൻ കൃത്യമായ മാനദണ്ഡം പാലിക്കണം ;കേരളത്തിന്‌ കേന്ദ്രത്തിന്റെ മുന്നറിയിപ്പ്

സംസ്ഥാനത്ത് ആറു ജില്ലകളില്‍ കേസുകള്‍ ആയിരത്തിനു മുകളിലാണ്. രണ്ടായിരത്തിനു മുകളിലാണ് മലപ്പുറം ജില്ലയില്‍ മാത്രം റിപ്പോര്‍ട്ട് ചെയ്യപ്പെട്ട കേസുകള്‍. കണ്ണൂര്‍ 962, ആലപ്പുഴ 863, കാസര്‍ഗോഡ് 786, കോട്ടയം 779, വയനാട് 453, പത്തനംതിട്ട 449, ഇടുക്കി 291 എന്നീ ജില്ലകളില്‍ മാത്രമാണ് ആയിരത്തില്‍ താഴെ രോഗികളുള്ളത്.ടെസ്റ്റ് പോസിറ്റിവിറ്റി നിരക്ക് പത്തിനു താഴേക്ക് വരുന്നതേയില്ല. ഇന്നും 10.36 ശതമാനമാണ്.

14,761 പേര്‍ക്ക് സമ്പർക്കത്തിലൂടെയാണ്  രോഗം ബാധിച്ചത്. 699 പേരുടെ സമ്പർക്ക  ഉറവിടം വ്യക്തമല്ല. മലപ്പുറം തന്നെ മുമ്ബില്‍. 1992 പേര്‍, ആറു ജില്ലകളില്‍ ആയിരത്തിനുമുകളിലാണ് സമ്പർക്ക രോഗികൾ  കണ്ണൂര്‍ 889, ആലപ്പുഴ 848, കാസര്‍ഗോഡ് 766, കോട്ടയം 751, വയനാട് 438, പത്തനംതിട്ട 436, ഇടുക്കി 281 എന്നീ ജില്ലകളാണ് സമ്പർക്കത്തിലൂടെ  ആയിരത്തില്‍ താഴെയുള്ളത്.

74 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. 11,629 പേര്‍ രോഗമുക്തി നേടി. ഇതോടെ 1,07,925 പേരാണ് രോഗം സ്ഥിരീകരിച്ച്‌ ഇനി ചികിത്സയിലുള്ളത്. 28,89,186 പേര്‍ ഇതുവരെ കോവിഡില്‍ നിന്നും മുക്തി നേടി. വിവിധ ജില്ലകളിലായി 3,82,843 പേരാണ് ഇപ്പോള്‍ നിരീക്ഷണത്തിലുള്ളത്.