നിപ ഉറവിടം കണ്ടെത്തുക നിർണായകം ; സമ്പർക്കപ്പട്ടിക ഇനിയും വലുതായേക്കും, 20 പേരുടെ സാമ്പിൾ പൂനെയിലേക്ക്
കോഴിക്കോട്: ആശങ്കയില്ലെന്ന് ആരോഗ്യമന്ത്രി പറയുമ്പോഴും രോഗ ഉറവിടത്തെ കുറിച്ച് അവ്യക്തത തുടരുകയാണ്.മരിച്ച പന്ത്രണ്ടുകാരന് രോഗം ബാധിച്ചത് ജന്തുജാലങ്ങളില് നിന്നാണോ അതോ ആരില് നിന്നെങ്കിലും പകര്ന്നതാണോയെന്ന് ഇപ്പോഴും ഉറപ്പിച്ച് പറയാന് അധികൃതര്ക്കായിട്ടില്ല. ഇതില് വ്യക്തത വരേണ്ടത് പ്രതിരോധ പ്രവര്ത്തനങ്ങളില് നിര്ണായകമാണ്. ചാത്തമംഗലം സ്വദേശിയായ ഏഴാം ക്ലാസുകാരന് നിപ രോഗലക്ഷണങ്ങള് പ്രകടിപ്പിച്ച് തുടങ്ങിയത് പത്ത് ദിവസം മുന്പാണ്. രോഗം ഔദ്യോഗികമായി സ്ഥിരീകരിച്ച കഴിഞ്ഞ ദിവസം നില ഗുരുതരമായി മണിക്കൂറുകള്ക്കകം മരണത്തിന് കീഴടങ്ങി. അതുകൊണ്ടുതന്നെ വൈറസിന്റെ തീവ്രതയും ഉറവിടവും കണ്ടെത്തേണ്ടത് പ്രതിരോധ പ്രവര്ത്തനങ്ങളിലും നിര്ണായകമാവുകയാണ്.
വവ്വാലുകളില് നിന്നാണോ അതോ മറ്റാരില് നിന്നെങ്കിലും രോഗം പകര്ന്നതാണോയെന്നാണ് അറിഞ്ഞാല് മാത്രമേ സമ്ബര്ക്ക പട്ടികയടക്കം കൃത്യമാവുകയുള്ളൂ. 2018 ല് നിന്നും വ്യത്യസ്തമായി കൊവിഡ് പശ്ചത്താലത്തില് സാമൂഹിക അകലവും ജാഗ്രതയും ജനങ്ങള് പാലിക്കുന്നുണ്ടെങ്കിലും വിവിധ ആശുപത്രികളിലടക്കം സഞ്ചരിച്ച രോഗിയുടെ സമ്ബര്ക്ക പട്ടിക ഇനിയും ഉയരാനാണ് സാധ്യത. നിലവില് രോഗലക്ഷണങ്ങളുള്ള രണ്ട് പേര്ക്കും നേരിയ ലക്ഷണങ്ങള് മാത്രമാണുള്ളതെന്ന് ആരോഗ്യമന്ത്രി പറഞ്ഞു. മൂന്ന് വര്ഷം മുന്പ് 17 ജീവനുകളെടുത്ത വൈറസിന്റെ സാന്നിധ്യം സംസ്ഥാനത്തിപ്പോഴും തുടരുകയാണോയെന്ന ചോദ്യവും ഉയരുന്നുണ്ട്. പഴൂരില് മൃഗസംരക്ഷണ വകുപ്പ് അധികൃതര് ഇന്ന് പരിശോധന നടത്തും.
Leave a Reply